Gujarati News

ﾠનવી દિલ્‍હી,તા. ૧૫: આવકવેરા વિભાગે ગુરુવારે જણાવ્‍યું હતું કે અમારા નવા પોર્ટલ પર અત્‍યાર સુધીમાં ૨૦૨૦-૨૦૨૧ના બે કરોડથી વધુ રિટર્ન્‍સ ફાઇલ કરાયા છે.
તેણે નવા આઇટી પોર્ટલમાંની પ્રારંભિક સમસ્‍યા ઉકેલાઇ હોવાનો દાવો કર્યો હતો.
સેન્‍ટ્રલ બોર્ડ ઓફ ડિરેક્‍ટ ટેક્‍સીસ (સીબીડીટી)એ કરદાતાઓને નાણાકીય વર્ષ ૨૦૨૦ - ૨૦૨૧ (૨૦૨૦ના એપ્રિલથી ૨૦૨૧ના માર્ચ સુધી)નું ઇન્‍કમ ટેક્‍સ રિટર્ન્‍સ જલદી ફાઇલ કરવા અનુરોધ કર્યો હતો.
ઇન્‍કમ ટેક્‍સ રિટર્ન્‍સમાં અને રિફંડ માટે આધાર ઓટીપી દ્વારા ઇ-વેરિફિકેશનની પ્રોસેસ જરૂરી છે.
તેણે જણાવ્‍યું હતું કે વેરિફાઇડ આઇટીઆર ૧ અને ૪માંના અંદાજે ૧.૦૬ કરોડ આઇટીઆર પ્રોસેસ્‍ડ કરાયા છે, જયારે આકારણી વર્ષ ૨૦૨૧ - ૨૦૨૨ના ૩૬.૨૨ લાખ જેટલા રિફંડ આપી દેવાયા છે. આઇટીઆર - ટૂ (૨) અને ૩નું પ્રોસેસિંગ ટૂંક સમયમાં હાથ ધરાશે.
ઇન્‍કમ ટેક્‍સનું નવું પોર્ટલ સાત જૂને શરૂ કરાયું હતું. પ્રારંભમાં અનેક કરદાતાને આ પોર્ટલમાં મુશ્‍કેલી નડતી હોવાનો આક્ષેપ કર્યો હતો.
આવકવેરાનું ૨૦૨૦ - ૨૦૨૧ના નાણાકીય વર્ષના રિટર્ન્‍સ ફાઇલ કરવાની મહેતલ બે વખત લંબાવાઇ હતી. વ્‍યક્‍તિગત કરદાતા માટેની મહેતલ લંબાવીને ૩૧ ડિસેમ્‍બર કરાઇ છે.