Gujarati News

મુંબઇઃ ગયા અઠવાડિયે કટ્ટરવાદી હિંદુવાદી જુથના સભ્યના ઘરે દરોડા પાડયા બાદ મહારાષ્ટ્ર એટીએસ ગૌવંશ રક્ષા સમિતિના સભ્ય સહિત ત્રણની ધરપકડ કરી છે જેમાં મુખ્ય આરોપી વૈભવના ઘરેથી રવિવારે તેને ત્રણ પિસ્તોલ મળી આવી છે. એટીએસના ટોચના અધિકારીએ કહ્યું છેકે, વૈભવના ઘરેથી ૧૦ પિસ્તોલ કબ્જે કરવામાં આવી છે. ત્રણ આરોપીઓની પુછપરછને આધારે આ પિસ્તોલ કબ્જે કરવામાં આવી છે. જો કે આ પિસ્તોલો ઉત્તરપ્રદેશમાંથી લાવવામાં આવી હોય તેવી શકયતા છે.

મહારાષ્ટ્ર એટીએસએ આ ત્રણેય આરોપીઓ હથિયારો બનાવવાની ફેકટરી ચલાવી રહ્યા હતા કે કેમ તે અંગે અને હિંદુ રાષ્ટ્ર બનાવવા આર્મી ઉભી કરવા માગતા હતા કે કેમ તે અંગે પણ તપાસ કરાશે.