Gujarati News

Gujarati News

News of Friday, 15th March 2019

ખોબો ભરીને મધમાખીઓ મોંમાં ભરે છે આ ભાઇ

કોલકત્તા તા. ૧પઃ પશ્ચિમ બંગાળના ચંદ્રમૌનીપુર ગામમાં રહેતો સુક મહમ્મદ દલાલ નામનો ૩ર વર્ષનો યુવક છેલ્લાં ૧૬ વર્ષથી મધમાખી ઉછેરનું કામ કરે છે. મધપૂડામાંથી મધ કાઢવાના કામમાં માહેર એવા સુક મહમ્મદનું કહેવું છે કે તેને હવે મધમાખીના ડંખની કોઇ અસર નથી થતી. તેનું શરીર હવે મધમાખીના ડંખના ઝેરને પચાવી જાય છે. મધમાખીઓથી બણબણતા મધપૂડાની સાથે તે જાતજાતના સ્ટન્ટ્સ કરી બતાવે છે. પહેલાં તે એક મધપૂડામાં વચ્ચે કાણું પાડે છે અને પછી ચોતરફ મધમાખીઓ બણબણતી હોય ત્યારે જ એમાં માથું ઘુસાડે છે. આટલું ઓછું હોય એમ મધમાખીઓ સામે મોં ખોલીને ઊભો રહી જાય છે. કેટલીક માખીઓ મોંમાં જાય છે એટલે મધપૂડામાંથી ખોબો ભરીને માખીઓ ઉઠાવે છે અને મોંમાં ઠૂંસે છે. મોં આખું મધમાખીઓથી ભરાઇ જાય છે અને છતાં સુક મહમ્મદના ચહેરા પર પીડાની એક લકીર નથી જોવા મળતી. ખોબામાં વધેલી મધમાખીઓ ભાઇસાહેબ પોતાની ગંજીમાં નાખી દે છે.

સુક મહમ્મદ પહેલાં કલકત્તા શહેરમાં એક ડોકટરને ત્યાં અસ્સ્ટિન્ટ તરીકે કામ કરતો હતો, પણ જયારે તે ગામ જતો ત્યારે મધપૂડાઓ જોઇને તેને એને છંછેડવાનું બહુ મન થતું. તે બહુ સરળતાથી એમાંથી મધ કાઢીને વેચી આવતો. આવું એક-બે વાર થયું એ પછી તેને આ કામ બહુ ગમવા લાગ્યું અને તેણે કલકત્તા છોડીને ગામમાં જ આ કામ શરૂ કરી દીધું.

(11:42 am IST)
  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST

  • સ્વાઇન ફલૂથી જુનાગઢ પંથકના વૃધ્ધાનું મોતઃ રાજકોટમાં કુલ મૃત્યુઆંક ૮૫ : શહેરની ખાનગી હોસ્પિટલમાં સ્વાઇન ફલૂથી વધુ એક દર્દીનું મોત નિપજ્યું છે. જુનાગઢ પંથકના ૬૦ વર્ષના વૃધ્ધાએ લેન્ડમાર્ક હોસ્પિટલમાં દમ તોડી દીધો છે. તેમનો રિપોર્ટ પોઝિટીવ હતો. આ સાથે કુલ મૃત્યુઆંક ૮૫ થયો છે access_time 3:32 pm IST

  • જયંતી ભાનુશાળી હત્યાકેસમાં છબીલ પટેલના દસ દિવસના રિમાન્ડ મંજૂર : વિનોદ ગાલા દ્વારા ભૂજ ::જેન્તી ભાનુશાળી હત્યા કેસ પ્રકરણમાં પોલીસે કોર્ટમાં રજુ કરતા ભચાઉ કોર્ટે છબીલ પટેલ ના 10 દિવસ ના રિમાન્ડ મંજુર કર્યા છે હત્યા પ્રકરણમાં 25 માર્ચ સુધી છબીલ પટેલ ના રિમાન્ડ મંજુર કરવામાં આવ્યા છે access_time 4:41 pm IST