Gujarati News

Gujarati News

News of Thursday, 15th February 2018

PNB કૌભાંડનો આરોપી નીરવ મોદી દેશ છોડીને ભાગી ગયો

બેંકમાંથી લીધા હતા ૨૦૦૦ કરોડઃ ઇડી દ્વારા મની લોન્ડ્રીંગ એકટ હેઠળ નીરવ મોદી અને અન્ય સામે ૨૮૦ કરોડ રૂપિયાની છેતરપિંડીનો કેસ સીબીઆઇએ દાખલ કરેલી ફરિયાદના આધારે કરવામાં આવ્યો

મુંબઈ તા. ૧૫ : દેશની બીજી સૌથી મોટી સરકારી બેંક પંજાબ નેશનલ બેંકના કૌભાંડનો આરોપી ડાયમંડ વેપારી નીરવ મોદી દેશ છોડીના ભાગી ગયો છે. નીરવ મોદી એફઆઈઆર નોંધાય તે પહેલાં જ દેશ છોડી જતો રહ્યો છે. તે સ્વિત્ઝર્લેન્ડના દાવોસમાં હોવાનું કહેવામાં આવી રહ્યું છે. ED દ્વારા મની લોન્ડ્રિંગ એકટ હેઠળ નીરવ મોદી અને અન્ય સામે ૨૮૦ કરોડ રૂપિયાની છેતરપિંડીનો કેસ સીબીઆઈએ દાખલ કરેલી ફરિયાદના આધારે કરવામાં આવ્યો છે. પંજાબ નેશનલ બેન્ક (PNB)માં દેશના બેન્કિંગ ઉદ્યોગની સૌથી મોટી ૧૭૭.૧૭ કરોડ ડોલર એટલે કે ૧૧,૩૫૬ કરોડ રૂપિયાની છેતરપિંડીનો બુધવારે પર્દાફાશ થયો હતો. જેમાંથી ૨૦૦૦ કરોડ નીરવ મોદી અને ૯૦૦૦ કરોડ મેહુલ ચોકસીએ લીધા હતા. છેતરપિંડીથી બિનઅધિકૃતરીતે ટ્રાન્જેકશનનું આ કૌભાંડ મુંબઇની બ્રેડી હાઉસ બ્રાન્ચમાંથી થયું. જેમાં કેટલાક ખાસ ખાતેદારોને લાભ પહોંચાડવામાં આવ્યો હતો. બેન્કે આ મામલે ગુજરાતી ડાયમંડ મર્ચન્ટ નીરવ મોદી સામે સીબીઆઇમાં ફરિયાદ કરી છે.  જેને પગલે ઇડીમાં પણ કેસ નોંધાયો છે.

ગ્લેમર વર્લ્ડમાં નીરવ મોદી જાણીતું નામ છે. ૪૮ વર્ષના નીરવ મોદીના નામથી હીરાની બ્રાન્ડ છે.  એક સમયે તેઓ ખુદ જવેલરી ડિઝાઇન કરવા નહોતા માંગતા પરંતુ પ્રથમ જવેલરી ડિઝાઇન કર્યા બાદ કયારેય પાછળ વળીને જોયું નથી. તેમની ડિઝાઇન કરેલી જવેલરીની કિંમત કરોડો રૂપિયા હોય છે. નીરવ મોદી ભારતના એકમાત્ર જવેલરી બ્રાંડના માલિક છે જેમની આંતરરાષ્ટ્રીય સ્તરે પણ ચર્ચા થાય છે. તેમની ડિઝાઇન કરેલા આભૂષણ હોલીવુડ સેલિબ્રિટીથી લઇ દેશના ધનકુબેરોની પત્નીઓ શરીરની શોભા વધારે છે.(૨૧.૧૧)

(10:50 am IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST