Gujarati News

Gujarati News

News of Wednesday, 14th February 2018

બાબરના વંશજો બોલ્યા...અયોધ્યામાં જ બનવું જોઈએ ભવ્ય રામ મંદિર

મોગલકાળના બાદશાહોએ જે ભૂલો કરી છે તે માટે અમે માફી માંગીએ છીએ

લખનૌ, તા. ૧૪ :. અયોધ્યામાં રામ મંદિરના નિર્માણ માટે અયોધ્યાથી રામરાજ્ય યાત્રાની શરૂઆત થઈ છે. અયોધ્યામાં રામ મંદિર નિર્માણ માટે બાબરના વંશજ પ્રિન્સ યાકુબ હબીબુદ્દીન તુસીએ મહત્વનું નિવેદન આપ્યુ છે.

પ્રિન્સ યાકુબે કહ્યું કે અયોધ્યામાં રામ મંદિરનું નિર્માણ થવું જોઈએ. જે ભૂલ મુગલકાળના બાદશાહોએ કરી છે એ ભૂલ માટે પ્રિન્સ યાકુબે માફી માગી. તેમણે કહ્યુ કે સુન્ની સેન્ટ્રલ ફોરમ અને વિશ્વ હિન્દુ પરિષદ સાથે મળીને રામ મંદિરનું નિર્માણ કરાવે. ગત દિવસે અયોધ્યાથી શરૂ થયેલી રામરાજ્ય રથયાત્રા દરમ્યાન વિશ્વ હિન્દુ પરિષદના મહાસચિવ ચમ્પક રાયે કહ્યુ કે, ૧૯૯૧માં ભારત સરકારે રામ મંદિર વિવાદનો ઉકેલ લાવવાનો પ્રયાસ કર્યો હતો. કેટલાક મુસ્લિમ આગેવાનો રામ મંદિર નિર્માણનું સમર્થન કરી રહ્યા છે. જેથી વિવાદિત જન્મભૂમિ પર રામ મંદિરનું નિર્માણ થવું જોઈએ ત્યારે બાબરના વંશજ પ્રિન્સ યાકુબ હબીબુદ્દીને આપેલુ નિવેદન મહત્વનું માનવામાં આવી રહ્યુ છે.

(3:45 pm IST)
  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • સુરતમાં ૩ બાળક સાથે પૂજારીએ દુષ્કર્મ કર્યુ : ફરીયાદ : નવસારી બજાર વિસ્તારની ઘટના : ગોખી તળાવના મંદિરના પૂજારી વિરૂદ્ધ ફરીયાદ access_time 12:23 pm IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST