Gujarati News

Gujarati News

News of Thursday, 14th January 2021

મની લોન્ડરિંગ કેસ : TMCના પૂર્વ સાંસદ કેડી સિંહની ધરપકડ

એન્ફોર્સમેન્ટ ડિરોક્ટરેટ દ્વારા કાર્યવાહી : મની લોન્ડરિંગના બે જુદા જુદા કેસમાં ઈડીએ સપ્ટેમ્બર ૨૦૧૯માં સિંહના ઘણા ઠેકાણા પર તપાસ હાથ ધરી હતી

નવી દિલ્હી, તા. ૧૩ : એન્ફોર્સમેન્ટ ડિરેક્ટોરેટે તૃણમૂલના પૂર્વ સાંસદ કે ડી સિંહની મની લોન્ડરિંગ કેસમાં ધરપકડ કરી હોવાનું જણાવ્યું છે. ઈડીની અધિકારીના જણાવ્યા મુજબ પૂર્વ સાંસદ કેડી સિંહની પ્રીવેન્શન ઓફ મની લોન્ડરિંગ એક્ટ અંતર્ગત એક કેસમાં બુધવારે ધરપકડ કરવામાં આવી છે. ટીએમસીના પૂર્વ સાંસદ સિંહ છેલ્લા થોડા સમયથી પાર્ટીની બાબતોમાં પણ સામેલ નથી રહેતા.

મની લોન્ડરિંગના બે જુદા જુદા કેસમાં ઈડીએ સપ્ટેમ્બર ૨૦૧૯માં કે ડી સિંહના વિવિધ ઠેકાણાઓ પર તપાસ હાથ ધરી હતી. પ્રાપ્ત વિગતો મુજબ કે ડી સિંહ અલકેમિસ્ટ ગ્રુપના ચેરમેન હતા તેમજ ૨૦૧૨માં પદ પરથી રાજીનામું આપ્યા બાદ તેઓ ચેરમેન, ઈમેરિટસ અને સ્થાપક તરીકે યથાવત હતા. ઈડી મની લોન્ડરિંગના બે કેસમાં કે ડી સિંહની પૂછપરછ કરી રહ્યું છે.  

ઈડીના સૂત્રોના મતે દરોડા દરમિયાન સિંહ પાસેથી કેટલાક શંકાસ્પદ નાણાં વ્યવહાર થયા હોવાનું જણાયું હતું. આ ઉપરાંત ડિજિટલ પુરાવા અને મિલકતના દસ્તાવેજો પણ જપ્ત કરવામાં આવ્યા હતા. દિલ્હી સ્થિત પૂર્વ સાંસદના ઘરે તપાસમાં ઈડીને ૩૨ લાખની રોકડ તેમજ ૧૦,૦૦૦ યુએસ ડોલર વિદેશી ચલણ મળ્યું હતું. કે ડી સિંહ ૨૦૧૪માં તૃણમૂલ કોંગ્રેસની ટિકિટ પર રાજ્યસભાના સાંસદ તરીકે ચૂંટાયા હતા.

(12:00 am IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST