Gujarati News

Gujarati News

News of Sunday, 14th January 2018

હૈદરાબાદમાં પેટ્રોલ ભરેલા બે ટેન્કરોમાં ભયાનક આગ : ૧૮ લોકો ઘાયલ : બ્લાસ્ટ એટલો જોરદાર હતો કે ટેન્કરની આજુબાજુમાં રહેલી ગાડીઓ બળીને ખાક થઈ ગઈ હતી : આગને જોઈને સ્થાનિકો પોતાને બચાવવા માટે આમ તેમ દોડી રહ્યા હતા

હૈદરાબાદ શહેર નજીક પેટ્રોલ ભરેલા બે ટેન્કરોમાં ભયાનક આગ લાગી હતી. આ ઘટનામાં 18 લોકો ઘાયલ થયા હતા. ઘટના મેડીપલ્લી-ચેંગીચેરલા રોડ પર બની હતી. બ્લાસ્ટ એટલો જોરદાર હતો કે ટેન્કરની આજુબાજુમાં રહેલી ગાડીઓ બળીને ખાક થઈ ગઈ હતી.

સ્થાનિક લોકોના જણાવ્યા મુજબ પેટ્રોલના ટેન્કરમાં આગ લાગી. આગની જ્વાળાઓ એટલી માટી હતી કે દૂર સુધી દેખાતી હતી. આગને જોઈને સ્થાનિકો પોતાને બચાવવા માટે આમ તેમ દોડી રહ્યા હતા. સ્થાનિક લોકોનું કહેવું છે કે ટેન્કરમાં આગ ત્યારે લાગી જ્યારે કેટલાક લોકોએ પેટ્રોલ ચોરી કરવા માટે ટેન્કરનું સીલ તોડી રહ્યા હતા.

સ્થાનિકોનો દાવો છે કે રોજ અહીં 10થી વધુ ટેન્કર ઉભા હોય છે, પરંતુ 12 જાન્યુઆરીએ માત્ર 2 ટેન્કર જ ત્યાં હતા. જેના કારણે ઓછું નુકસાન થયું. છેલ્લા ઘણા સમયથી ટેન્કરમાંથી પેટ્રોલની ચોરી થતી હતી.

(12:29 pm IST)
  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી access_time 10:20 am IST

  • પૂર્વ કેન્દ્રીય મંત્રી અને વરિષ્ઠ કોંગ્રેસી નેતા મનીષ તિવારીના માતા ડો,અમૃત તિવારીનું ટૂંકી બીમારી બાદ નિધન થયું છે. તેઓ 80 વર્ષના હતા. આવતીકાલે સોમવારે તેણીનો અંતિમ સંસ્કાર કરાશે. access_time 12:00 am IST