Gujarati News

લંડન, તા.૧૨ : કોરોના વાયરસનું નવું સ્વરૂપ ઓમિક્રોન હાલમાં યુકેમાં ઝડપથી પગપેસારો કરી રહ્યું છે. કેસ સતત વધી રહ્યા છે અને લોકોને રસી માટે લાંબો સમય રાહ જોવી પડી રહી છે. આવી સ્થિતિમાં, વૈજ્ઞાનિકોએ ચેતવણી આપી છે કે જો જરૂરી નિયંત્રણો લાદવામાં નહીં આવે તો આગામી જાન્યુઆરીમાં બ્રિટનને ઓમિક્રોનની ભયંકર લહેરનો સામનો કરવો પડશે. તેમનું કહેવું છે કે રસી કેટલી અસરકારક સાબિત થાય છે તેના આધારે એપ્રિલના અંત સુધીમાં વેરિયન્ટથી મૃત્યુઆંક ૨૫,૦૦૦થી ૭૫,૦૦૦ સુધી જઈ શકે છે.

જો કે, સંશોધન સાથે જોડાયેલા નિષ્ણાતોએ કહ્યું છે કે પરિસ્થિતિ અંગે હજુ પણ અનિશ્ચિતતા છે. સંશોધન સાથે સંબંધિત ન હોય તેવા અન્ય એક વૈજ્ઞાનિકે જણાવ્યું હતું કે આ અભ્યાસની સૌથી ખરાબ સ્થિતિ અસંભવિત છે. સંશોધકો સરકારને સલાહ આપે છે કે 'કંઈ નિશ્ચિત નથી.' સંશોધન કોરોના વાયરસના ઓમિક્રોન વેરિયન્ટનું ભવિષ્ય શું છે તે સ્પષ્ટ કરતું નથી, પરંતુ તે કેટલાક સંભવિત પરિણામો પર પ્રકાશ પાડે છે. આ સંશોધન લંડન સ્કૂલ ઓફ હાઈજીન એન્ડ ટ્રોપિકલ મેડિસિન (ન્જીઁ્સ્) ખાતે રોગના મોડેલર્સના જૂથ દ્વારા કરવામાં આવ્યું હતું.

આ સંશોધન એ ધારણા પર આધારિત છે કે 'જો તમને રસી આપવામાં આવે તો ઓમિક્રોન ઓછું ગંભીર હશે'. તે હાલના પ્લાન B પગલાંને પણ ધ્યાનમાં લે છે. સંશોધકોએ કહ્યું છે કે બૂસ્ટર ડોઝ લેવાથી ઓમિક્રોનની ઘાતક અસરો ઓછી થવાની શક્યતા છે. આ સંશોધન એવા સમયે આવ્યું છે જ્યારે બ્રિટનમાં શનિવારે ૫૪,૦૭૩ નવા કેસની પુષ્ટિ થઈ છે. આમાં ૬૩૩ ઓમિક્રોન કેસનો સમાવેશ થાય છે, જો કે ઓમિક્રોન કેસની વાસ્તવિક સંખ્યા ઘણી વધારે હોવાનો અંદાજ છે.

સંશોધકોમાંના એક ડૉ. નિક ડેવિસે કહ્યું કે ઓમિક્રોન 'ખૂબ જ ઝડપથી ફેલાઈ રહ્યો છે' અને તે ખૂબ જ ચિંતાજનક' છે. તેમણે કહ્યું કે વર્ષના અંત સુધીમાં ઓમિક્રોન બ્રિટનમાં વાયરસનું પ્રબળ સ્વરૂપ બની શકે છે. રિપોર્ટમાં કહેવામાં આવ્યું છે કે બ્રિટનમાં હાલમાં દર અઢી દિવસે સંક્રમિત લોકોની સંખ્યા બમણી થઈ રહી છે. દેશમાં રસીકરણનું ઉચ્ચ સ્તર હોવા છતાં પણ આ વાયરસના મૂળ સ્વરૂપ કરતાં વધુ ઝડપથી ફેલાઈ રહ્યો છે. ડૉ. ડેવિસે કહ્યું કે અમે જે જોઈ રહ્યા છીએ તેના આધારે અમે યુકેમાં ઓમિક્રોનની મોટી લહેરની અપેક્ષા છે.