Gujarati News

Gujarati News

News of Thursday, 13th September 2018

ડોલર સામે રૂપિયો તળિયે : એશિયન ચલણમાં સૌથી વધુ રકાસ

ચાલુ વર્ષમાં અત્યાર સુધીમાં રૂપિયો ડોલર સામે સૌથી વધુ ૧૨% પીસાયો : ઇન્ડોનેશિયાનું ચલણ રૂપિયાહ ૯% તૂટીને બીજા ક્રમે : ગ્લોબલ કરન્સીમાં તુર્કીના ચલણ લીરામાં ૪૦% વધુનો ઘટાડો

મુંબઇ તા. ૧૩ : ભારતીય ચલણ રૂપિયો છેલ્લા કેટલાક સમયથી ડોલર સામે નોંધપાત્ર ગગડીને તળિયે પહોંચ્યો છે. રૂપિયો બુધવારે ઐતિહાસિક ૭૨.૯૧ની ઐતિહાસિક નીચી સપાટીને સ્પર્શ્યો હતો. આ સાથે જે એશિયન દેશોના ચલણની તુલનામાં રૂપિયામાં સૌથી વધુ રકાસ જોવા મળી રહ્યો છે. રૂપિયાના અવમૂલ્યનને પગલે આયાતકારો મોટી મુશ્કેલીમાં સપડાયા છે. તેમણે અગાઉ રૂપિયો ૬૬-૬૭ના સ્તરે હતો ત્યારે કરેલા ઓર્ડર્સના પેમેન્ટ કરવામાં હાલ ભારે મુશ્કેલીનો સામનો કરવો પડી રહ્યો છે. જો કે રૂપિયાના અવમૂલ્યનનો લાભ ફકત નિકાસકારોને થઈ રહ્યો છે.

દેશના કુલ વપરાશ પૈકી ૭૦ ટકાથી વધુ ઈંધણની આયાત કરવામાં આવી રહી છે જેને પગલે રૂપિયો ગગડતાં સરકારની ચાલુ ખાતાની ખાધમાં પણ વધારો થવાનો ભણકારા વાગી રહ્યા છે. ચાલુ વર્ષમાં અત્યાર સુધીમાં ડોલર સામે રૂપિયામાં ૧૨% વધુનું અવમૂલ્યન થયું છે. જયારે ઈન્ડોનેશિયાના ચલણ રૂપિયાહમાં નવ ટકાનો તેમજ ફિલિપાઈન્સના પેસોમાં સાત ટકાથી વધુનો ઘટાડો નોંધાયો છે.

જો કે નિષ્ણાતોના મતે રૂપિયામાં ઘટાડાથી ભારતીય અર્થતંત્ર નબળું પડ્યું છે તેવું માનવું ભૂલભરેલું ગણાશે. ભારતનો જીડીપી ૮.૨ ટકા નોંધાયો છે. આ ઉપરાંત ઈન્ડોનેશિયાનો ૫.૨ અને ફિલિપાઈન્સનો જીડીપી ૬.૨ ટકા રહ્યો છે.

અમેરિકા અને ચીન વચ્ચે એકબીજાની આયાત કરાતી ચીજવસ્તુઓ પર અબજો રૂપિયાની ઈમ્પોર્ટ ડ્યુટી લાદવામાં આવતા વૈશ્વિક સ્તરે ટ્રેડ વોરનું જોખમ સર્જાયું છે જે એશિયન કરન્સીમાં ઘટાડા પાછળનું મુખ્ય કારણ છે. આ ઉપરાંત ચીન પોતાના ચલણ યુઆનનું વધુ અવમૂલ્યન કરી શકે છે તેવી ભીતિ પાછળ પણ રૂપિયો વધુ પીસાઈ રહ્યો છે.ટ્રેડ વોરની ભીતિ તેમજ અર્થતંત્ર ડામાડોળ થવાની ચિંતાએ દેશમાંથી વૈશ્વિક રોકાણકારો પોતાનું રોકાણ પરત ખેંચી રહ્યા છે જેને પગલે વિદેશ ભંડોળનો આઉટફલો વધવાથી પણ રૂપિયાનું અવમૂલ્યન થઈ રહ્યું છે.

ક્રૂડ ઓઈલના વધી રહેલા ભાવને લીધે રૂપિયામાં ડોલર સામે રકાસ જોવા મળે છે. ક્રૂડના ભાવ વધતા ભારતનાં આયાત બિલ વધવાની ભીતિ રહેલી છે.(૨૧.૨૯)

ચાલુ કેલેન્ડર વર્ષમાં ડોલર સામે એશિયન કરન્સીનો દેખાવ

દેશ      ચલણ   દેખાવ(%)

ભારત    રૂપિયો   ૧૨

ઈન્ડોનેશિયા       રૂપિયાહ      ૯.૦૪

ફિલિપાઈન્સ       પેસો ૭.૩૯

ચીન     યુઆન   ૫

કોરિયા   વોન     ૪.૪૬

તાઈવાન ન્યૂ તાઈવાન ડોલર   ૩.૪૬

સિંગાપોર સિંગાપોર ડોલર       ૩

વિયેતનામ         સ્ફઝ્ર ૨.૬૫

મલેશિયા રિંગીટ   ૨.૩૧

જાપાન   યેન      ૧.૦૩

થાઈલેન્ડ બાહ્રટ    ૦.૬૪

હોન્ગકોંગ ડોલર    ૦.૪૫

 

(4:08 pm IST)
  • ધંધુકા રાણપુર રોડ ઉપર જીઆઈડીસી નજીક રોડ સાઈડના ઝાડ સાથે ઈનોવા કાર અથડાઈ: કાર ચાલક તથા તેની બાજુમાં બેઠેલા શખ્સને ગંભીર ઈજા થતાં તેમના ઘટના સ્થળે કમકમાટી ભર્યા મોત નિપજયા access_time 12:41 am IST

  • પેટ્રોલ - ડિઝલના ભાવવધારા સામે છત્તીસગઢમાં કોંગ્રેસના ધારાસભ્યો - નેતાઓ બળદગાડા સાથે વિધાનસભા પહોંચ્યા : અનોખો વિરોધ - દેખાવ : પોલીસે રોકયા તો બેરીકેટ્સ હટાવી આગળ વધ્યા : કાર્યકરોની સાથે બળદગાડામાં ભોજન લીધુ access_time 3:44 pm IST

  • ભચાઉ સબજેલમાંથી હિસ્ટ્રીશિટર આરોપી જેલમાંથી ફરાર:અનેક ગુનાઓમાં સંડોવાયેલ આરોપી રામજી કોળી જેલની દીવાલ કુદીને થયો ફરાર:કચ્છ ,બનાસકાંઠા ,પાટણ જિલ્લા માં નક્કાબંધી કરી હિસ્ટ્રીશિટર આરોપીને શોધવા પોલીસ તપાસ:આરોપીને શોધવા પોલીસે બનાવી પાંચ ટીમ access_time 11:02 pm IST