Gujarati News

Gujarati News

News of Wednesday, 12th September 2018

હાર્દિક મામલે સરકાર છેવટ સુધી મક્કમ રહીઃ એક પણ માંગણી ન સ્વીકારીઃ સમગ્ર પ્રકરણમાં વિજય રૂપાણીની નિર્ણાયક અડગતાને દાદ

સરકારે જરા પણ નમતુ ન જોખ્યુઃ વાતચીત કરવાનું પણ ટાળ્યુ

અમદાવાદઃ ખેડૂતોના દેવા માફ કરવા અને પાટીદારોને અનામત આપવાના મામલે આજે બપોરે ૧૯ દિવસ બાદ હાર્દિક પટેલે પારણા કરી લીધા છે. હાર્દિકની માંગણીઓ પરત્વે સરકારે જરા પણ નમતુ જોખ્યુ નથી. એટલુ જ નહિ સરકાર છેલ્લે સુધી મક્કમ રહી હતી અને હાર્દિક પટેલની એક પણ માંગણી સ્વીકારવા તૈયારી પણ દર્શાવી ન હતી. આખરે વડીલોની સમજાવટને પગલે હાર્દિકે આજે પારણા કરી લેતા સમગ્ર ઘટનાક્રમનો અંત આવ્યો છે. સરકારનું વલણ પહેલેથી જ સ્પષ્ટ હતું. સરકાર હાર્દિકની એક પણ માંગણી સ્વીકારવા પહેલા દિવસે પણ તૈયાર ન હતી અને આજે ૧૯માં દિવસે પણ તૈયાર ન હતી. સમગ્ર પ્રકરણમાં મુખ્યમંત્રી વિજય રૂપાણીની નિર્ણાયક અડગતાને દાદ આપવી પડે. રાજ્ય સરકારે સાબિત કરી આપ્યુ છે કે છાશવારે ગેરબંધારણીય બાબતોને આગળ ધરીને રાજ્યની શાંતિ ડહોળનારા લોકો સામે સરકાર કદી નહી ઝુકે. ૧૯ દિવસના ઘટનાક્રમમાં સરકારે જરા પણ મચક આપી ન હતી તે પણ નોંધનીય છે. આ મામલે સરકાર એવુ પણ ઈચ્છતી હતી કે કોંગ્રેસ ઉઘાડી પડે અને તેને કોઈ રાજકીય લાભ પણ ન મળે. સરકારનું સ્પષ્ટ વલણ છે કે જો અમે ખોટી દિશામાં હોય તો અમારો કાન પકડો પરંતુ પ્રજાને બાનમાં લેવાનું, ગેરવ્યાજબી માંગણી કરવાનુ અને યુવાનો ગેરમાર્ગે દોરવાનું બંધ થવુ જોઈએ. સરકાર બંધારણને વરેલી છે અને તે મુજબ જ આગળ વધવા માગે છે તે ઘટનાક્રમે સાબિત કરી દીધુ છે.

(3:48 pm IST)
  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • ધંધુકા રાણપુર રોડ ઉપર જીઆઈડીસી નજીક રોડ સાઈડના ઝાડ સાથે ઈનોવા કાર અથડાઈ: કાર ચાલક તથા તેની બાજુમાં બેઠેલા શખ્સને ગંભીર ઈજા થતાં તેમના ઘટના સ્થળે કમકમાટી ભર્યા મોત નિપજયા access_time 12:41 am IST

  • ભચાઉ સબજેલમાંથી હિસ્ટ્રીશિટર આરોપી જેલમાંથી ફરાર:અનેક ગુનાઓમાં સંડોવાયેલ આરોપી રામજી કોળી જેલની દીવાલ કુદીને થયો ફરાર:કચ્છ ,બનાસકાંઠા ,પાટણ જિલ્લા માં નક્કાબંધી કરી હિસ્ટ્રીશિટર આરોપીને શોધવા પોલીસ તપાસ:આરોપીને શોધવા પોલીસે બનાવી પાંચ ટીમ access_time 11:02 pm IST