Gujarati News

Gujarati News

News of Wednesday, 12th September 2018

બાંગ્લાદેશના ઘુસણખોરોને બહાર કરાશે : અમિત શાહ

એનઆરસીના ડ્રાફ્ટનો મુદ્દો પણ ઉઠાવ્યો : રાજસ્થાનમાં શક્તિકેન્દ્ર સંમેલનને સંબોધતા વિરોધ પક્ષો પર આકરા પ્રહારો કર્યા : રાજસ્થાનમાં પાર્ટીની જીત થશે

જયપુર, તા. ૧૧ : બાંગ્લાદેશી ઘુસણખોરોના મુદ્દા પર ભાજપે ફરીએકવાર આક્રમક વલણ અપનાવ્યું છે. પાર્ટી પ્રમુખ અમિત શાહે આજે કહ્યું હતું કે, આવા ઘુસણખોરોને દેશની બહાર કરવામાં આવશે. કોઇને પણ છોડવામાં આવશે નહીં. પાર્ટી કાર્યકરોના શક્તિ કેન્દ્રને સંબોધન કરતા તેમણે કહ્યું હતું કે, ભાજપનો સંકલ્પ છે કે, એકપણ બાંગ્લાદેશી ઘુસણખોરને દેશમાં રહેવા દેવામાં આવશે નહીં. આસામમાં રાષ્ટ્રીય નાગરિક રજિસ્ટ્રાર (એનઆરસી) ડ્રાફ્ટનો ઉલ્લેખ કરતા તેમણે કહ્યું હતું કે, આને લઇને ઘણા રાજકીય પક્ષો હોબાળો મચાવી રહ્યા છે પરંતુ ભાજપ સરકાર બાંગ્લાદેશી ઘુસણખોરોને બહાર કરવા માટે કટિબદ્ધ છે. શાહે કહ્યું હતું કે, વોટબેંકની ચિંતા કરનાર લોકો માનવ અધિકારની વાત કરે છે પરંતુ તેમને આ દેશના ગરીબ લોકોની ચિંતા નથી.

પાકિસ્તાની વિસ્થાપિત હિન્દુઓના મુદ્દા ઉપર શાહે કહ્યું હતું કે, અમે સિટિઝન સુધારા બિલ લઇને આવ્યા છે જેમાં એવું નક્કી કરવામાં આવ્યું છે કે, અફગાનિસ્તાન, પાકિસ્તાન, બાંગ્લાદેશથી આવેલા શીખ, બૌદ્ધ, હિન્દુ અને જૈન ઘુસણખોરો નહીં બલ્કે આ લોકો શરણાર્થીઓ છે. તેમને નાગરિકતા આપવામાં આવશે. આ રેલી પહેલા અમિત શાહે શહેરના મોટીડુંગરી ગણેશ મંદિર જઇને દર્શન કર્યા હતા. અમિત શાહ એક દિવસના કાર્યક્રમના ભાગરુપે રાજસ્થાન પહોંચ્યા હતા. રાજસ્થાનમાં વિધાનસભાની ચૂંટણી આ વર્ષમાં જ યોજાનાર છે. આ રેલી ઉપરાંત  જુદા જુદા કાર્યક્રમોમાં અમિત શાહ પહોંચ્યા હતા. અન્ય બેઠકોમાં પણ ઉપસ્થિત રહ્યા હતા. અમિત શાહ અહીં એરપોર્ટ પર પહોંચ્યા બાદ તરત જ મંદિર પહોંચ્યા હતા. તેમની સાથે રાજ્ય ભાજપના અધ્યક્ષ મદનલાલ સૈની, જયપુરના સાંસદ રામચરણ બોહરા, સામાજિક ન્યાયમંત્રી અરુણ ચતુર્વેદી અને આરોગ્યમંત્રી કાલીચરણ સરાફા પણ ઉપસ્થિત રહ્યા હતા. અમિત શાહે દાવો કર્યો હતો કે, રાજસ્થાનમાં પાર્ટી સત્તા ટકાવી રાખવામાં સફળ રહેશે. વિપક્ષ પાસે કોઇ નેતા નથી. તેમની કોઇ રણનીતિ પણ નથી.

(12:00 am IST)
  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • રાજકોટ:માર્કેટ યાર્ડમાં ગુજકોટની ઓફીસ કરાઈ સીલ:15000.ના ભાડા પટે આપી હતી ઓફીસ:પાંચ માસનુ ભાડુ ચડત હતું:યાર્ડ દ્વારા ગુજકોટને આપવામાં આવી હતી નોટિસ access_time 11:27 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST