Gujarati News

Gujarati News

News of Thursday, 12th July 2018

જાપાનમાં પૂર અને ભૂસખલનથી 200 લોકોના મોત :બે લાખ ઘરોમાં અંધારપટ ::4 લાખ લોકો પ્રભાવિત

50 હજાર મકાનોને નુકશાન :બચાવ અભિયાનમાં 83 હેલિકોપ્ટર અને 70 હજારથી વધારે જવાનો જોડાયા

નાગાસાકી : પશ્ચિમ જાપાનમાં પુર અને ભુસ્ખલનથી અત્યાર સુધીમાં 200 લોકોનાં મોત નિપજ્યાં છે. જ્યારે 80થી વધારે લોકો હજી પણ ગુમ છે. 10 હજારથી વધારે લોકો રાહત શિબિરમાં જીવી રહ્યા છે. ડિઝાસ્ટર મેનેજમેન્ટ વિભાગના અનુસાર પૂર બાદ 2 લાખથ વધારે ઘરો વિજ વિહોણા છે. પીવાના પાણીની પણ મોટી સમસ્યા ઉભી થઇ છે. જાપાનમાં ડિઝાસ્ટર મેનેજમેન્ટ વિભાગ અનુસાર, જાપાનમાં આવેલા પુરમાં હ્યુગો, ઓકાયામા, યામાગુચી, હિરોશીમા અને ટોટ્ટોરી પ્રાંતના 4 લાખથી વધારે લોકો પ્રભાવિત થયા છે

  હિરોશીમા, ઓકાયામા અને સાગાને સૌથી વધારે નુકસાન થયું છે. અહી અંદાજિત 50 હજારથી વધારે મકાનો ક્ષતિગ્રસ્ત થયા છે. બચાવ અભિયાનમાં 83 હેલિકોપ્ટર અને 70 હજારથી વધારે જવાનો બચાવ કાર્યમાં ગોઠવાયા છે. રેસક્યું ટીમ કાટમાળમાંથી દટાયેલા લોકોને શોધી રહી છે. જાપાનમાં 36 વર્ષ બાદ પ્રકારનું પુર આવ્યું છે. અગાઉ 1982માં પ્રકારનું પુર આવ્યું હતું. ત્યાર બાદ 3 દશકનું સૌથી મોટુ પુર છે.

(12:01 am IST)
  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • રાજકોટ પંથકના જસદણમાં 1.5 ઇંચ વરસાદ :ધોધમાર વરસાદ પડતા ગોઠણડૂબ પાણી ભરાયા:.જસદણની ભાદર નદીમાં ઘોડાપુર :નવા નીરને વધાવવા ટોળા ઉમટી પડ્યા access_time 11:24 pm IST

  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST