Gujarati News

Gujarati News

News of Tuesday, 13th March 2018

લોકસભામાં એકલા અટુલા બેઠેલા અડવાણી પાસે દોડી જઇ રાહુલે તેમનું સન્માન વધાર્યુઃ અમિત શાહને અવગણ્યા

અડવાણીએ કહયું.....'આઇ એમ ફાઇન બટ હાઉસ ઇઝ નોટ'

નવી દિલ્હી, તા., ૧૩: સોમવારે લોકસભા શરૂ થાય તે પહેલા ૧૦ મીનીટ વહેલા પહોંચેલા રાહુલ ગાંધીએ એકલા અટુલા બેઠેલા ભાજપના સિનીયર લીડર લાલકૃષ્ણ અડવાણી પાસે હાથ જોડતા દોડી જઇ તેમના હાલચાલ પુછી સન્માન વધાર્યુ હતું. ટ્રેઝરી બેંચની પ્રથમ હરોળમાં અડવાણીને એકલા બેઠેલા જોઇ રાહુલ સીધા જ તેમની પાસે પહોંચ્યા હતા અને તેમના ખબરઅંતર પુછતા પ્રત્યુત્તરમાં  અડવાણીજીએ 'આઇ એમ ફાઇન બટ હાઉસ ઇઝ નોટ' તેમ જણાવ્યું હતું.

પુર્વ નાયબ વડાપ્રધાને આ મુદ્દે વધુમાં એવું કહયું હતું કે, તેઓ પહેલી વાર આ સ્થિતિ જોઇ રહયા છે કે વિપક્ષ સ્પીકર કે વડાપ્રધાન હાઉસ સારી રીતે ચાલી શકે તે માટે શકિતમાન નથી. થોડી મીનીટો અડવાણીજી સાથે વાત કર્યા બાદ રાહુલ પોતાની બેઠક પર પરત ફર્યા હતા.

એક કલાક પછી રાહુલ જયારે હાઉસ છોડી જઇ રહયા હતા ત્યારે ભાજપના પ્રમુખ  અમિત શાહ સદનમાં પ્રવેશ્યા હતા. પરંતુ રાહુલે તેમના પર ધ્યાન આપ્યું ન હતું. વડાપ્રધાન મોદી, અમિત શાહ અને રાહુલ વચ્ચે આવુ અનેકવાર બનતું રહયું છે. તો બીજી તરફ રાહુલે સિનીયર નેતાને સન્માન આપવાનું વલણ પણ અનેકવાર દોહરાવ્યું છે.

(3:46 pm IST)
  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST

  • સીરિયામાં સતત હવાઈ હુમલા અંગ અમેરીકાએ બોલાવી તાકિદની બેઠક : અમેરીકી અધિકારીઓએ જણાવ્યું કે, સતત હવાઈ હુમલાના અહેવાલો સાચા સાબીત થશે તો સીરિયા દ્વારા યુદ્ધ વિરામનો ભંગ ગણવામાં આવશે : તેઓએ વધુમાં જણાવ્યું કે, અમે બધા પક્ષોને આગ્રહ કર્યો છે કે તે કોઈ એવી કાર્યવાહિ ન કરે, જેનાથી યુદ્ધ વિરામની સ્થિતી જોખમાય, આ સ્થિતીની સમીક્ષા કરવા અને યુદ્ધ વિરામની સ્થિતી જળવાઈ રહે તે માટે અમે (અમેરીકાએ) જોર્ડનમાં એક તાકિદની બેઠક બોલાવી છે access_time 12:53 pm IST