Gujarati News

Gujarati News

News of Tuesday, 13th March 2018

આર્થિક કૌભાંડ કરી દેશ છોડનારા વિજય માલ્યા, નીરવ મોદી જેવા ભાગેડું સામે હવે સરકાર મજબુત કાનૂની સકંજો ભીડવી શકશેઃ લોકસભામાં વિધેયક રજૂઃ ટીડીપી સાંસદોએ બંને ગૃહમાં કાર્યવાહી શરૂ થતા જ હોબાળો કર્યો

નવી દિલ્‍હીઃ દેશમાં છેલ્લા ઘણા દિવસોથી ક પછી ક હજારો કરોડના આર્થિક કૌભાંડો બહાર આવી રહ્યા છે અને તેના કૌભાંડકારો દેશ છોડીને વિદેશમાં જલસા કરી રહ્યા છે ત્‍યારે હવે આવા ભાગેડુ અપરાધીઓ ઉપર કાનૂનનો સકંજો વધુ મજબુત બનાવવા માટે લોકસભામાં વિધેયક રજુ થયું છે. જો કે, લોકસભા અને રાજ્યસભાની કાર્યવાહી શરૂ થતા જ ટીડીપી સાંસદો વેલમાં ધસી જઇ સૂત્રોચ્‍ચાર કરી હોબાળો મચાવ્યો હતો.

લોકસભામાં ભાગેડુ આર્થિક અપરાધીઓ પર લગામ કસવા સંબંધિત બિલ રજૂ કરી દેવાયું. લોકસભામાં નાણારાજ્ય પ્રધાન શિવપ્રતાપ શુક્લએ ભાગેડું આર્થિક અપરાધી વિધેયક 2018ને રજૂ કર્યું.

આ વિધેયકમાં ભાગેડુ અપરાધીઓની સંપત્તિ જપ્ત કરવા અને તેમના પર કાયદાકીય કાર્યવાહી કરવા જેવી જોગવાઈઓને શામિલ કરાઈ છે. કેન્દ્ર સરકારે વિજય માલ્યા અને નીરવ મોદી જેવા મામલા બાદ આ દિશામાં કાયદો લાવવાની પહેલ કરી છે. આ વિધેયકમાં એવા આર્થિક અપરાધિઓને રાખવામાં આવ્યા છે જે કાયદાકીય કાર્યવાહી અને ધરપકડથી બચવા દેશ છોડીને ભાગી જતા હોય છે. વિધેયકને પાછલા સપ્તાહે કેબિનેટની મંજૂરી મળી હતી.

(5:29 pm IST)
  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા:2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા. access_time 6:24 pm IST

  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST