Gujarati News

Gujarati News

News of Friday, 12th October 2018

હવે સિંહો રહેશે સલામતઃ રૂ. ૨૫૦ કરોડની યોજના

૨૩ સિંહોના મોત બાદ જાગી સરકારઃ વન વિભાગની દરખાસ્તો તાબડતોબ મંજુરઃ આવતા ત્રણ વર્ષમાં નવી જગ્યાઓ, વધારાનો સ્ટાફ, બચાવ સેન્ટરો અને ટ્રીટમેન્ટની સગવડો સિંહો માટે ઉભી થશે

મુંબઈ, તા. ૧૨ :. ગીરમાં ૨૩ સિંહોના મરણ પછી ગુજરાત સરકારે એશિયાઈ સિંહોની જાળવણી માટે ૨૫૦ કરોડ રૂપિયા મંજુર કર્યા છે. સિંહો માટે નવા વિસ્તારો ઉભા કરવા, ઈન્ફ્રાસ્ટ્રકચર ઉભું કરવા અને નવા સ્ટાફની ભરતી માટે આ ફંડ ફાળવ્યું છે.

ઈન્ડીયન કાઉન્સીલ ઓફ મેડીકલ રીસર્ચ (આઈસીએમઆર) દ્વારા તૈયાર કરાયેલા એક રીપોર્ટ અનુસાર ૨૭માંથી ૨૧ સિંહોમાં કેનાઈન ડીસ્ટેમ્પર વાઈરસની હાજરી જોવા મળી હતી. રીપોર્ટ આઈસીએમઆરની વેબસાઈટ પર ઉપલબ્ધ છે પણ તે વન મંત્રાલય કે ગુજરાત વન વિભાગને નથી મોકલાયો.

આ પ્રકારના બનાવો રોકવા અને સિંહોના બચાવ, સારવાર અને રક્ષણ માટે સરકારે સંરક્ષણ પ્લાન મંજુર કર્યો છે.

વન પ્રધાન ગણપત વસાવાએ કહ્યું, 'મુખ્ય પ્રધાન વિજય રૂપાણીએ સિંહોના સંરક્ષણ માટેની જુદી જુદી કામગીરી માટે ૨૫૦ કરોડ રૂપિયાનું સ્પેશ્યલ ફંડ મંજુર કર્યુ છે. જેના દ્વારા સિંહો માટે નવી જગ્યાઓ, વધારાનો સ્ટાફ, બચાવ સેન્ટરો અને સિંહોની સારવાર માટે નવા ઈન્ફ્રાસ્ટ્રકચરો વગેરે કામગીરી ત્રણ વર્ષમાં કરવામાં આવશે.'

વન વિભાગની ભલામણ પ્રમાણે એક નવુ ડિવીઝન શેત્રુંજી નામથી મંજુર કરવામાં આવ્યું છે. ઉપરાંત વન વિભાગની ભલામણ મુજબ હથિયારો અને સંદેશા વ્યવહારના ઉપકરણોની ખરીદીની ભલામણ પણ મંજુર કરાઈ છે.(૨-૨)

(10:11 am IST)
  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • બ્રિટન બન્યો દુનિયાનો પ્રથમ દેશ જેણે આત્મહત્યા રોકવા મંત્રીશ્રી નિમણુક કરીઃ દર વર્ષે આશરે ૪૫૦૦ લોકો આત્મહત્યા કરે છેઃ ખુબજ ચિંતાજનક આંકડોઃ વડાપ્રધાન થેરેસા મેનું નિવેદન access_time 11:28 am IST