Gujarati News

Gujarati News

News of Saturday, 12th January 2019

યુપી : ૨૫ લોકસભા સીટ પર કોંગ્રેસનું ધ્યાન કેન્દ્રિત

જીતવાની જ્યાં તકો છે તે બેઠક પર ધ્યાન : બસપ-સપા દ્વારા હાથ મિલાવ્યા બાદ પ્લાન બી તૈયાર

નવી દિલ્હી, તા. ૧૨ : ઉત્તરપ્રદેશમાં બહુજન સમાજ પાર્ટી અને સમાજવાદી પાર્ટી વચ્ચે ગઠબંધનની જાહેરાત થયા બાદ કોંગ્રેસ પાર્ટીએ પ્લાન બી તૈયારી કરી લીધી છે. જેના ભાગરૃપે લોકસભાની ૨૫ સીટો ઉપર કોંગ્રેસ પાર્ટી તાકાત લગાવવાના પ્રયાસ કરશે. ૨૫ સીટો ઉપર તેની જીતવાની તકો વધારે રહેલી છે. ઉત્તરપ્રદેશમાં કોંગ્રેસના એક નેતાએ માહિતી આપતા કહ્યું છે કે ૨૦૦૯ની લોકસભા ચુંટણીમાં અમે ઉત્તરપ્રદેશમાં ૨૧ સીટો જીતી ગયા હતા. આને ધ્યાનમાં લઈને આ રણનીતિ તૈયાર કરવામાં આવી રહી છે. તેમણે ક્હ્યું હતું કે એવા ઉમેદવાર પણ છે જે જીતવાની તકો ધરાવે છે. કેટલાક એવા ઉમેદવાર છે જે ૨૦૧૪માં ઓછા અંતરથી હારી ગયા હતા. ૨૦૧૪માં ભાજપને છોડીને અન્ય પાર્ટીઓએ પણ ઘણી બધ સીટો ગુમાવી હતી. અમારૃ ધ્યાન ૨૫ સીટો ઉપર રહેલું છે. આના માટે પુરતી તાકાત લગાવી દેવામાં આવશે. ૨૦૦૯માં કોંગ્રેસે ૨૧ સીટો જીતી હતી. જે છેલ્લા ૨૦ વર્ષમાં તેનો સૌથી સારો દેખાવ હતો. ૨૦૦૪માં કોંગ્રેસ પાર્ટીએ ઉત્તરપ્રદેશમાં માત્ર ૯ સીટો જીતી હતી. કોંગ્રેસ પાર્ટીની હાલત ઉત્તરપ્રદેશમાં ખૂબ કફોડી બનેલી છે.

(7:41 pm IST)
  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST