Gujarati News

Gujarati News

News of Saturday, 12th January 2019

ચુંટણીમાં સવારે ૧૦.૩૦થી પૂર્વે મત આપી દેવાનું સૂચન

ભાજપ અધિવેશનમાં અમિત શાહનું કાર્યકરોનું સૂચન : વિધાનસભા ચુંટણીમાં પરિણામ અપેક્ષા મુજબ રહ્યા નથી પરંતુ અમે હાર્યા નથી : અમિત શાહનું કાર્યકરોને સંબોધન

નવી દિલ્હી,તા. ૧૨ : ભારતના રાષ્ટ્રીય અધ્યક્ષ અમિત શાહે ત્રણ રાજ્યોમાં હાલમાં જ યોજાયેલી વિધાનસભાની ચુંટણીમાં હાર મળ્યા બાદ આજે પ્રથમ વખત ટિપ્પણી કરી હતી. અમિત શાહે કહ્યું હતું કે હાલમાં મળેલી હારથી નિરાશ થવાની જરૃર નથી. તેમણે ઉમેર્યું હતું કે વિરોધીઓ જીતી ગયા છે પરંતુ અમે કોઈપણ જગ્યાએ પરાજિત થયા નથી. તેમણે દાવા સાથે કહ્યું હતું કે પરિણામો અપેક્ષા મુજબના આવ્યા નથી પરંતુ ભારતીય જનતા પાર્ટીના આધારમાં કોઈપણ જગ્યાએ ઘટાડો થયો નથી. મતની ટકાવારીમાં પણ કોઈ ઘટાડો થયો નથી. કાર્યકરોને આત્મવિશ્વાસમાં આગળ વધવાની જરૃર દેખાઈ રહી છે. તાજેતરમાં યોજાયેલી વિધાનસભાની ચુંટણીમાં ભાજપની રાજસ્થાન, છત્તીસગઢ અને મધ્યપ્રદેશમાં હાર થઈ હતી. અમિત શાહે કાર્યકરોમાં ઉત્સાહ ભરતા કહ્યું હતું કે ભાજપ માટે લોકસભા ચુંટણી ખુબ મહત્વપૂર્ણ છે. જો અમે ચુંટણીમાં મોટી જીત હાંસલ કરવામાં સફળ રહીશું તો લાંબા સમય સુધી સંસદથી લઈને પંચાયત સુધી શાસન કરવામાં સફળ રહીશું. તેમણે કહ્યું હતું કે ત્રણ રાજ્યોમાં ચુંટણીના પરિણામ અપેક્ષા મુજબ રહ્યા નથી પરંતુ આનાથી નિરાશ થવાની જરૃર નથી. મતદાનના દિવસે એટલી ખાતરી કરવાની જરૃર છે કે તેમના પરિવાર અને તેમના મિત્રોના મત સવારે ૧૦.૩૦ વાગ્યાથી પહેલા પડી જાય. રામલીલા મેદાનમાં ભાજપના કાર્યકરોને સંબોધતા અમિત શાહે આ મુજબની વાત કરી હતી. કોંગ્રેસ પર પ્રહાર કરતા શાહે કહ્યું હતું કે જાતિવાદ, વંશવાદના પરિણામ સ્વરૃપે દેશમાં ખતરનાક કેન્સરની સ્થિતિ સર્જાઈ ગઈ હતી. આ નીતિઓના પરિણામ સ્વરૃપે લોકશાહી નબળી થઈ હતી. વિકાસમાં અડચણો ઉભી થઈ હતી પરંતુ હવે દેશના લોકોમાં આત્મવિશ્વાસ સતત વધી રહ્યો છે. અમિત શાહે ગઈકાલે પણ સંબોધન કર્યું હતું.

 

(7:37 pm IST)
  • અમદાવાદ : કોંગ્રેસ દ્વારા વી.એસ. બચાવો અભિયાન :વી.એસ. હોસ્પિટલના ખાનગીકરણનો કોંગ્રેસ દ્વારા વિરોધ :પ્રદેશ પ્રમુખ અમિત ચાવડાની આગેવાનીમાં કોચરબ આશ્રમથી વી.એસ. સુધી પદયાત્રા યોજશે access_time 10:47 pm IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST