Gujarati News

Gujarati News

News of Friday, 11th January 2019

સંસદમાં પસાર થયા બાદ ક્વોટાને સુપ્રીમમાં પડકાર

સુપ્રીમ કોર્ટમાં અરજી કરીને તર્કદાર દલીલો કરાઈ : પરિવારની આઠ લાખ રૂપિયાની આવકને લઇ પણ પ્રશ્નો

નવી દિલ્હી, તા. ૧૦ : નોકરી અને શિક્ષણમાં સામાન્ય કેટેગરીમાં ગરીબ લોકોને ૧૦ ટકા આપવા સાથે સંબંધિત બિલ લોકસભા અને રાજ્યસભામાં બહુમતિ સાથે પસાર કરવામાં આવી ચુક્યું છે પરંતુ આને સુપ્રીમ કોર્ટમાં આજે પડકારવામાં આવ્યો છે. જો કે, સુપ્રીમ કોર્ટમાં પણ કોઇ અડચણ રહેશે નહીં તેમ કાયદાકીય નિષ્ણાતો માની રહ્યા છે. સવર્ણ ગરીબો માટે ૧૦ ટકા અનામત આપવા સાથે સંબંધિત બિલ કાનૂન બનવા આડે માત્ર એક હસ્તાક્ષરના અંતરે છે. રાષ્ટ્રપતિ પાસે આ બિલને મોકલી દેવામાં આવ્યા બાદ બિલ કાનૂન બની જશે. આજે આ સંદર્ભમાં અડચણો ઉભી કરીને યુથ ફોર ઇક્વાલિટી ઓર્ગેનાઇઝેશન દ્વારા અરજી દાખલ કરવામાં આવી હતી અને આ બિલને રદ કરવાની માંગ કરવામાં આવી હતી. એવી દલીલ કરવામાં આવી હતી કે, આ બિલ આર્થિક આધાર પર અનામત માટે યોગ્ય નથી. રાજ્યસભા અને લોકસભામાં આ બિલ પસાર થઇ ચુક્યું છે. રાજ્યસભામાં બુધવારના દિવસે તેની તરફેણમાં ૧૬૫ અને વિરોધમાં સાત મત સાથે પાસ કરવામાં આવ્યું હતું જ્યારે આના એક દિવસ પહેલા લોકસભામાં બંધારણીય સુધારા બિલ પસાર કરવામાં આવ્યું હતું. ગૃહ દ્વારા વિરોધી સભ્યો દ્વારા રજૂ કરવામાં આવેલા પાંચ સુધારાને ફગાવી દેવામાં આવ્યા હતા. બિલને લઇને તર્કદાર રજૂઆતો કરવામાં આવી હતી. જનરલ ક્વોટાને પડકાર ફેંકનાર બિલને લઇને રજૂઆત કરવામાં આવી હતી. અરજીમાં પરિવારની આઠ લાખ રૂપિયાની વાર્ષિક આવકના માપદંડ ઉપર પણ પ્રશ્નો ઉઠાવવામાં આવ્યા છે. સામાન્ય વર્ગના ગરીબો માટે નોકરી અને શિક્ષણમાં ૧૦ ટકા અનામતની વાત કરવામાં આવી છે. દલીલમાં જણાવવામાં આવ્યું છે કે, બંધારણના મૂળભૂત માળખાની વિરુદ્ધમાં બિલ પાસ કરવામાં આવ્યું છે. સંગઠને જનરલ ક્વોટાને સમાનતાના અધિકાર અને બંધારણના માળખાની વિરુદ્ધમાં ગણાવ્યું છે.

(12:00 am IST)
  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • અમદાવાદ : કોંગ્રેસ દ્વારા વી.એસ. બચાવો અભિયાન :વી.એસ. હોસ્પિટલના ખાનગીકરણનો કોંગ્રેસ દ્વારા વિરોધ :પ્રદેશ પ્રમુખ અમિત ચાવડાની આગેવાનીમાં કોચરબ આશ્રમથી વી.એસ. સુધી પદયાત્રા યોજશે access_time 10:47 pm IST

  • સુપ્રીમ કોર્ટને મળશે 2 નવા જજ : કર્ણાટકના ચીફ જસ્ટિસ શ્રી દિનેશ મહેશ્વરી અને દિલ્હી હાઇકોર્ટના જજ શ્રી સંજીવ ખન્ના બનશે સુપ્રિમકોર્ટના જજ અને ભારતના ચીફ જસ્ટિસ શ્રી ધનંજય ચંદ્રચુડની નિવૃતી બાદ જસ્ટીસ સંજીવ ખન્ના બનશે સુપ્રીમ કોર્ટના નવા ચીફ જસ્ટીસ તેમ આધારભૂત સૂત્રો દ્વારા જાણવા મળે છે. access_time 1:48 am IST