Gujarati News

Gujarati News

News of Thursday, 11th October 2018

પેટ્રોલ-ડીઝલના ભાવમાં વધારોઃ દિલ્હીમાં પેટ્રોલનો ભાવ ૮૨.૩૬ રૂ.

પેટ્રોલમાં ૧૦ પૈસા અને ડિઝલમાં ૨૭ પૈસા વધ્યા

નવીદિલ્હી, તા.૧૧: તેલની કિંમતોમાં સતત વધારો ચાલુ છે આજે એક વાર ફરી પેટ્રોલ-ડિઝલની કિંમતોમાં વધારો થયો છે. દિલ્હીમાં પેટ્રોલની કિંમતોમાં ૧૦ પૈસાનો વધારો થયો છે. જયારે ડિઝલના ભાવ ૨૭ પૈસા વધ્યા છે. હવે પાટનગરમાં પેટ્રોલની કિંમત ૮૨.૩૬ રૂપિયા અને ડિઝલની કિંમત ૭૪.૬૨ રૂપિયા પ્રતિલિટર થઇ ગયા છે. બીજીબાજુ મુંબઇમાં પણ પેટ્રોલ- ડીઝલની કિંમતોમાં વધારો થયો છે. ત્યાં પેટ્રોલની કિંમતોમાં ૯ પૈસા અને ડિઝલની કિંમતોમાં ૨૯ પૈસાનો વધારો થયો છે. હવે મુંબઇમાં પેટ્રોલની કિંમત ૮૭.૮૨ રૂપિયા અને ડિઝલની કિમત ૭૨.૨૨ રૂપિયા પ્રતિલિટર થઇ ગઇ છે.

એકબાજુ જોઇએ તો પેટ્રોલ-ડિઝલની કિંમતમાં દરરોજ અમુક પૈસાનો વધારો થઇ રહ્યો છે. પરંતુ મહત્વની વાત એ છે કે કેન્દ્રસરકારે જયારથી ઓઇલની કિંમતો ઘટાડી છેે ત્યારથી પેટ્રોલની કિંમતોમાં ઓછો અને ડિઝલની કિંમતોમાં વધારો જોવા મળી રહ્યો છે.

તે પહેલા ગઇકાલે ફકત ડીઝલના ભાવોમાં જ વધારો જોવા મળ્યો હતો જયારે પેટ્રોલના ભાવ વધ્યા ન હોતા દિલ્હીમાં ડિઝલના ભાવ ૨૪ પૈસા અને મુંબઇમાં ડિઝલના ભાવોમાં ૨૫ પૈસાનો વધારો થયો હતો.(૨૨.૫)

(11:46 am IST)
  • અમદાવાદ આંગડીયા પેઠી પાસેથી લુંટ કરવાના ગુનામા આરોપીની ધરપકડ: ક્રાઈમ બ્રાંચે કરી આરોપીની ધરપકડ:વડોદરામા થયેલ બે લૂંટના ગુનાનો ભેદ ઉકેલાયો: 5 લાખ અને 2.50 લાખની લૂંટનો ભેદ ઉકેલાયો:આરોપી અગાઉ 10 થી વધુ ગુનામા ઝડપાઈ ચુક્યો છે. access_time 7:43 pm IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • સબરીમાલા માફક સુન્ની મસ્જિદોમાં પ્રવેશની મંજૂરી માટે સુપ્રીમકોર્ટના દ્વાર ખખડાવશે કેરળની મુસ્લિમ મહિલાઓ :ઝુહરાએ કહ્યું 'હું સમાનતા માટે આમ કરી રહી છું :સુન્ની મસ્જિદોની અંદર મહિલાઓને જવાની અનુમતિ અપાતી નથી:કેરળ સ્થિત મુસ્લિમ મહિલા સંગઠન હવે સુન્ની મસ્જિદોમાં પ્રવેશ માટે સર્વોચ્ચ અદાલત પહોંચશે access_time 12:43 am IST