Gujarati News

Gujarati News

News of Wednesday, 11th September 2019

પરંપરા તોડીને ચાર વહુઓએ સાસુની અર્થીને કાંધ આપી

મુંબઇ તા.૧૧: હવે છોકરીઓ પરંપરા તોડીને 'પોતાના માતા-પિતાના અંતિમસંસ્કારમાં હાજરી આપવાનું અને તેમની અર્થીને કાંધ આપતી થઇ છે, જો કે મહારાષ્ટ્રના બીડ જિલ્લાના એક ગામમાં એક માજીને તેમની ચાર વહુઓએ કાંધ આપીને સુંદર ઉદાહરણ પુરૂ પાડ્યું છે. સુંદરબાઇ દગડુ નાઇકવાડે નામના ૮૩ વર્ષનાં માજીનું અવસાન થયું ત્યારે તેમના આખા પરિવાર તેમને અનોખી રીતે વિદાય આપી જે જોઇને ગામના સૌને તેમની પર ગર્વ થયો. સોમવારે સવારે સુંદરબાઇનું હાર્ટઅટેકથી અચાનક મૃત્યુ થયું હતું. પરિવારે માને ગૌરી સન્માન આપવાનું નક્કી કર્યુ અને ગૌરી ગણપતિની પૂજા કરી અને પછી માની અંતિમયાત્રા શરૂ કરી. એમાં પણ ચારેય વહુઓએ મળીને સાસુની અર્થીને કાંધ આપી હતી. વહુઓનું કહેવું હતું કે, 'અમારા સાસુ ભણેલાંગણેલા સન્નારી હતા. તેમણે આખા પરિવારને એકતાંતણે બાંધી રાખ્યો હતો. તેમણે અમને કદી કોઇ કમી રાલવા દીધી જ નહોતી. એટલે તેઓ અમારે મન સાસુ નહીં, પણ મા જ હતા, તેમણે દેખરેખ દીકરીઓ જેવી જ કરી હતી એટલે અમે વિચાર્યુ કે માત્ર દીકરાઓ જ શું કરવા એમ પણ તેમની દીકરીઓ છીએ તો અમે જ કાંધુ આપીશું'

(3:25 pm IST)
  • ૧૩મીથી મુંબઇમાં ફરી વરસાદનું જોર વધતુ જશે : મુંબઇમાં ૧૩મી સપ્ટેમ્બર શુક્રવારે બપોરથી રવિવાર ૧૫મી સપ્ટેમ્બર સુધી ભારે વરસાદ પડતો રહેશે તેમ એક ખાનગી વેધર સંસ્થાએ ટ્વીટ કરી જણાવ્યું છે. આ ૩૬ કલાકના સમયમાં (થાણે-નવી મુંબઇ સહિત) ૪ થી ૫ ઇંચ વરસાદ પડવા સંભવ છે. જયારે પશ્ચિમ અને ઉતરના પરાઓમાં ૬ ઇંચથી પણ વધુ વરસાદ પડશે access_time 4:15 pm IST

  • રાજકોટમાં મેઘાવી માહોલ યથાવત : ઝરમર : શહેરમાં વરસાદી વાતાવરણ યથાવત છે : આજે સવારથી છવાયેલા વાદળો વચ્ચે ઝરમર વરસી રહ્યો છે. માર્ગો સતત ભીના જોવા મળે છે. ગઈકાલની જેમ આજે પણ સાંજે મેઘરાજા જમાવટ કરે તેવી શકયતા છે. access_time 4:05 pm IST

  • ઇમરાનનો નવો પેંતરો : આંતરરાષ્ટ્રીય મંચ પર ફજેતા બાદ હવે Pokમાં રેલી કરશે ઇમરાનખાન : આંતરરાષ્ટ્રીય મંચ પર ફજેતા સહન કર્યા બાદ હવે પાકિસ્તાનના વડાપ્રધાન ઇમરાનખાન પીઓકેમાં રેલીનું આયોજન કરશેઃ ઇમરાને કહ્યું કે ૧૩ સપ્ટેમ્બરે મુઝફફરાબાદમાં એક મોટી રેલી કરીશ અને સમગ્ર વિશ્વનું ધ્યાન કાશ્મીર પર લાવવાના પ્રયત્નો કરીશ access_time 1:04 pm IST