Gujarati News

Gujarati News

News of Friday, 11th June 2021

કોરોનાઃ કેસ ઘટે છે પણ મૃત્યુઆંક યથાવત

કોરોનાની બીજી લહેર ભલે ધીમી પડી પણ ખતરો ઉભો જ છે : ૨૪ કલાકમાં ૯૧૭૦૨ નવા કેસ અને ૩૪૦૩ લોકોને કોરોના ભરખી ગયો

નવી દિલ્હી, તા. ૧૧ :. દેશમાં કોરોનાના કેસ સતત ઘટી રહ્યા છે પરંતુ મોતના આંકડા ડરાવી રહ્યા છે. બીજી લહેર ભલે નબળી પડી હોય પરંતુ ખતરો હજુ ઉભો જ છે. જો કોરોનાની ગાઈડલાઈન્સનું પાલન નહી કરીએ તો આ આંકડા વધી શકે છે. છેલ્લા ૨૪ કલાકમાં દેશમાં કોરોનાના ૯૧૭૦૨ કેસ નોંધાયા છે અને આ દરમિયાન ૩૪૦૩ લોકોના મોત થયા છે.

કોરોનાના નવા કેસ સામે આવ્યા બાદ કુલ કેસની સંખ્યા ૨૯૨૭૪૮૨૩ની થઈ છે. હાલ ૧૧૨૧૬૭૧ એકટીવ કેસ છે જ્યારે ૨૭૭૯૦૦૭૩ દર્દી સાજા થઈને ઘરે ગયા છે. દેશમા અત્યાર સુધીમાં કોરોનાના કારણે ૩૬૩૦૭૯ લોકોના મોત થયા છે.

અત્યાર સુધીમાં કુલ ૩૭૪૨૪૨૩૮૪ લોકોનુ ટેસ્ટીંગ કરવામાં આવ્યુ છે. ગઈકાલે ૨૦૪૪૧૩૧ લોકોનુ ટેસ્ટીંગ કરવામાં આવ્યુ હતુ.

જ્યારે કોરોનાના નવા કેસની સંખ્યા ૩ લાખની નજીક હતી ત્યારે પણ મોતના આંકડા આટલા જ હતા. આનાથી જણાય છે કે ભલે કોરોના સંક્રમણ ફેલાવાની સ્પીડ ઘટી હોય પરંતુ તેની શિકાર કરવાની ક્ષમતા ઘણી વધુ છે.

(10:27 am IST)
  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST