Gujarati News

Gujarati News

News of Friday, 10th August 2018

મૂકેશ અંબાણીની સંપતિ એક જ વર્ષમાં ૮૯ હજાર કરોડ રૂપિયા વધી

૪૮.૪ અબજ ડોલર એટલે કે ૩૩૦ લાખ કરોડ રૂપિયાની સંપતિ સાથે ૧૯૧ દેશમાં સૌથી અમીર બની ગયા છે

નવી દિલ્હી, તા.૧૦:  લાંબા સમયથી ભારતના સૌથી અમીર મૂકેશ અંબાણી કુલ ૪૮.૪ અબજ ડોલર એટલે કે ૩૩૦ લાખ કરોડ રૂપિયાની સંપતિ સાથે ૧૯૧ દેશમાં સૌથી અમીર બની ગયા છે.

અંબાણી હાલમાં દુનિયાના માત્ર ચાર દેશના અમીરોથી પાછળ છે. વીતેલા એક વર્ષ દરમિયાન તેમની સંપતિમાં લગભગ ૧૩.૧૦ અબજ ડોલર એટલે કે ૮૯ હજાર કરોડ રૂપિયાનો વધારો થયો છે.

એમેઝોનના જૈફ બેજોઝ ૧૫૬ અબજ ડોલર એટલે કે ૧૦.૬૦ લાખ કરોડ રૂપિયાની સંપતિ સાથે દુનિયામાં સૌથી અમીર બની ચૂકયા છે.

બ્લૂમબર્ગના જણાવ્યા મુજબ રિલાયન્સ ઈન્ડસ્ટ્રીઝ લિમિટેડના સીએમડી મૂકેશ અંબાણી હાલમાં દુનિયાના ટોપ આમીરના લિસ્ટમાં ૧૨મા નંંબરે છે. તેમનાથી આગળ માત્ર ચાર દેશના અબજપતિઓ છે. હાલમાં દુનિયામાં ૧૯૫ દેશ છે અને આ પ્રકારે અંબાણી ૧૯૧ દેશના સૌથી અમીર બની ચૂકયા છે.

એક વર્ષમાં સંપતિ કેમ વધી?

એક વર્ષ દરમિયાન અંબાણીની સંપતિમાં ૮૯ હજાર કરોડ રૂપિયાનો વધારો થયો છે. તેમની સંપતિ વધવાનું મુખ્ય કારણ આરઆઈએલના સ્ટોકસમાં તેજી છે.

કંપનીનાં સારાં પરિણામ અને તેમની ટેલિકોમ કંપની જિઓના પ્રદર્શનમાં સુધારાના કારણે એક વર્ષ દરમિયાન કંપનીના સ્ટોકમાં લગભગ ૫૩ ટકાનો વધારો થયો છે. એક વર્ષ પહેલાં કંપનીનો સ્ટોક ૮૦૧ રૂપિયાના સ્તર પર હતો, જે વધીને ૧૨૨૦ રૂપિયાની આસપાસ પહોંચી ગયો છે.

(3:29 pm IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • વડાપ્રધાન નરેન્દ્રભાઈ મોદીએ ટ્વીટ કરીને તમામ વીર સપૂતોને યાદ કર્યા :અંગ્રેજોને ભારત છોડવા પર મજબુર કરતા આંદોલનના સુર 76 વર્ષ પહેલા આજના દિવસે છેડાયા હતા. આ ઐતહાસિક દિવસે પીએમ મોદીએ પણ ટ્વીટ કરી access_time 1:12 am IST

  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST