Gujarati News

નવીદિલ્હીઃ કોરોના કાળએ એન્ટિ વાયરલ દવા અને તેના નિર્માતા માટે ખૂબ જ સારું રહ્યું છે , ૨૦૧૯ની સરખામણી એ ૨૦૨૦માં ૪ ગુણા એન્ટિ વાઈરલ દવા લોન્ચ કરવામાં આવી છે જેમાં એન્ટિ વાઈરલ દવા રેમડેસીવીર  આને ફેવિપિરાવીર દવાનું વેચાણ લોન્ચિંગ બાદ સાત મહિનામાં જ એક હજાર કરોડથી પણ ઉપર પહોંચી ગઈ છે. ડેટા રિસર્ચ ફર્મ IQVIE અનુસાર વર્ષ ૨૦૨૦ માં નવી ૪૪ જેટલી એન્ટિ વાઈરલ દવાઓ લોન્ચ કરવામાં આવી છે. ૨૦૧૯ દરમિયાન માત્ર ૧૦ જેટલી જ બ્રાન્ડ લોન્ચ કરવામાં આવી હતી જ્યારે ૨૦૨૦માં ૩૧  ફેવિપિરાવીર બ્રાન્ડ અને ૭ રેમડેસીવીર બ્રાન્ડ લોન્ચ કરવામાં આવી.

રેમડેસીવીરની ઓછી બ્રાન્ડ લોન્ચ કરતાં પણ જુલાઈથી ડિસેમ્બર સુધી ૫૯૩ કરોડ રૂપિયાનું વેચાણ થયું છે . સામાન્ય રીતે કોઈ પણ એન્ટિ વાઈરસ દવાને લોન્ચ કર્યા બાદ તેનું વેચાણ ૨૦૦ કરોડ સુધી થતું હોય છે પરંતુ કોરોના વાઈરસ ને કારણે લોન્ચ કરવામાં આવેલ એન્ટી વાઈરસ દવાનું વેચાણ ૨ ગણું જોવા મળ્યું છે . ૨૦૨૦ માં જે દવા લોન્ચ કરવામાં આવી છે તેમાં મુખ્યત્વે દવાઓ એન્ટિ ફન્ગલ કેટેગરીની હતી , જેની ૩૬૦ બ્રાન્ચ લોન્ચ કરવામાં આવી છે .   રિસર્ચ ડેટાની અનુસાર ૨૦૨૦માં લોન્ચ ૪૪ એન્ટિ વાઈરલ દવાનું વેચાણ ૨૩.૩૮ કરોડ રૂપિયા હતું . એન્ટિ ફન્ગલ બ્રાન્ડનું વેચાણ ૪૪ લાખ, વિટામિન બ્રાન્ડ ૪૯ લાખ અને દર્દનિવારક દવા ૩૬ લાખ જેટલી વેચાઈ.