Gujarati News

Gujarati News

News of Wednesday, 10th February 2021

ચાલુ વર્ષે 5G જીયો નહી આવે : મુકેશ અંબાણીને ઝટકો

સંસદીય પેનલ મુજબ આગામી ૬ મહિના બાદ એક અન્ય સ્પેકટ્રમની હરાજી બાદ લેવાશે નિર્ણય

મુંબઇ તા.૧૦ :  સરકારે ૫-જીને લઈને મહત્વનું નિવેદન આપ્યું છે. જેને લઈને મુકેશ અંબાણીના જિયોને મોટો ઝટકો લાગ્યો છે. સરકારના અનુસાર દેશમાં આ વર્ષે ૫-જી ને રોલ આઉટ કરવું સંભવ નથી. તેની શરુઆત ભારતમાં ૨૦૨૨માં થઈ શકે છે.

સંસદીય પેનલના રિપોર્ટ અનુસાર આગામી ૬ મહિના બાદ એક અન્ય સ્પેકટ્રમની હરાજી થવાની છે તેના બાદ જ ભારતમાં ૫-જીને આગામી વર્ષ સુધી રોલ આઉટ કરવામાં આવી શકાશે. સંસદીય પેનલના પ્રમુખ અને લોકસભા સાંસદ શશિ થરૂરે કહ્યું હતું કે ભારતમાં ૫-જી સર્વિસને આ કેલેન્ડર વર્ષ ૨૦૨૧ના અંતમાં કે ૨૦૨૨ના પ્રારંભમાં ખાસ ઉપયોગ માટે શરૂ કરી શકાય છે, આમ એટલા માટે કારણ કે ૪-જી એ ભારતમાં આગામી ૫થી ૬ વર્ષ સુધી ચાલુ રહેવું જોઈએ. સંસદીય પેનલની રિપોર્ટથી રિલાયન્સના સીઈઓ મુકેશ અંબાણીને જોરદાર ઝટકો લાગી શકે છે. આ પહેલા મુકેશ અંબાણીએ જણાવ્યું હતું કે જિયો વર્ષ ૨૦૨૧ની બીજી છ માસિક સુધીમાં ભારતમાં ૫-જી સર્વિસને લોન્ચ કરશે. અંબાણીના નિવેદન મુજબ ૫-જી સર્વિસમાં જિયો સૌથી આગળ રહેશે, જયારે આ વર્ષે એરટેલ તરફથી પણ ૫-જી સર્વિસની હૈદ્રાબાદમાં કોમર્શિયલ નેટવર્ક પર સફળતાથી ટ્રાયલ કરાઈ હતી. ટેલીકોમ કંપનીઓ એરટેલ અને જિયોએ ૫-જીની તૈયારી પુરી કરી લીધી છે. પરંતુ બીજી બાજુ સરકાર અડધી તૈયારી સાથે આ મામલે આગળ વધવા નથી માંગતી.

(3:15 pm IST)
  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST

  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST

  • રાજકોટ મહાપાલિકા ચૂંટણીઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના અંગે હવે માત્ર મતદારો માટે મોજા લેવાનાઃ બાકીની તમામ વસ્તુઓ ગાંધીનગરથી આવશે : રાજકોટ મહાનગરપાલિકા ચૂંટણીમાં રાજ્ય ચૂંટણી પંચ દ્વારા ખર્ચના અસરકારક પગલાઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના સંદર્ભે હાથમોજા અને શોપ બોકસ લેવાના રહેશેઃ બાકી સેનેટાઈઝર, ફેસશિલ્ડ, માસ્ક વિગેરે તમામ વસ્તુ ગાંધીનગરથી ડાયરેકટ ફાળવાશેઃ રાજ્ય ચૂંટણી પંચ તરફથી આવેલી સૂચના access_time 3:05 pm IST