Gujarati News

Gujarati News

News of Wednesday, 10th February 2021

એલઆઈસીના આઈપીઓના ૧૦ ટકા ભાગ વિમાધારકો માટે સુરક્ષિત રહેશેઃ રાજ્યસભામાં મહત્વની જાહેરાત

નવી દિલ્હી, તા. ૧૦ :. દેશની સૌથી મોટી વિમા કંપની એલઆઈસીના આવી રહેલ આઈપીઓનો ૧૦ ટકા હિસ્સો વીમા ધારકો માટે સુરક્ષિત રખાશે તેમ રાજ્યસભામાં નાણા રાજ્યમંત્રી અનુરાગ ઠાકુરે ગઈકાલે જણાવ્યુ હતું.

તેમણે જણાવેલ કે આઈપીઓ પછી પણ એલઆઈસીનું મેનેજમેન્ટ અને માલિકી તમામ હક્કો સરકારના હાથોમાં જ રહેશે, પરિણામે વીમા પોલીસીના તમામ હિતો સુરક્ષીત રહે.

અત્રે એ નોંધનીય છે કે તાજેતરમાં બજેટમાં નાણામંત્રીએ જાહેરાત કરી હતી કે એલઆઈસીનો આઈપીઓ એપ્રિલથી શરૂ થઈ રહેલ નવા નાણાકીય વર્ષમાં લોંચ કરી દેવાશે, આ માટે એલઆઈસી સંશોધન કાનૂનને નાણા વિધેયકમાં હિસ્સો બનાવાયો છે.

આ દરમિયાન નાણા રાજ્યમંત્રી શ્રી ઠાકુરે જણાવ્યુ હતુ કે ચાલુ નાણાકીય બીજા ભાગમાં (જુલાઈથી સપ્ટેમ્બર-૨૦૨૦)ના આખરમાં સરકારી બેંકોનું ગ્રોસ એનપીએ ઘટીને ૬ લાખ કરોડ રહ્યુ છે. પોણા ત્રણ લાખનો ઘટાડો થયો છે. ચાલુ નાણાકીય વર્ષમાં પ્રથમ ૬ માસમા જ ૧૨માંથી ૧૧ બેંક નફામાં આવી ગઈ છે અને ૨૦૧૮થી ૨૦૨૦ દરમિયાન ૨ાા લાખ કરોડની રેકર્ડબ્રેક રીકવરી થઈ છે.

(3:08 pm IST)
  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 12,169 કેસ નોંધાયા :કુલ કેસની સંખ્યા 1, 08,70,555 થઇ :એક્ટિવ કેસ 1,39,477 થયા: વધુ 11,441 દર્દીઓ સ્વસ્થ થતા કુલ 1,05, 71, 062 થયા : વધુ 94 લોકોના મોત સાથે કુલ મૃત્યુઆંક 1,55,375 થયા access_time 1:03 am IST

  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST

  • કોંગ્રેસ પછી ભાજપે પણ થ્રી લાઇનનો વ્હીપ આપ્યો આજે સંસદમાં આખો દિવસ હાજર રહેવા અને સરકારના સ્ટેન્ડને સમર્થન આપવા ભાજપે તેના સંસદ સભ્યોને થ્રી લાઇન વ્હીપ આપેલ છે. access_time 10:16 am IST