Gujarati News

Gujarati News

News of Friday, 9th February 2018

જજ લોયાના મોત મામલે નિષ્પક્ષ તપાસની માંગણી :વિપક્ષી નેતાઓએ રાષ્ટ્રપતિને સોંપ્યું આવેદન

કોંગ્રેસ અધ્યક્ષ રાહુલ ગાંધીની આગેવાનીમાં વિપક્ષી નેતાઓએ કરી રાષ્ટ્રપતિની મુલાકાત

નવી દિલ્હી :જજ લોયાના મોત મામલે વિપક્ષી નેતાઓએ નિષ્પક્ષ તપાસની માંગણી કરી હતી અને રાષ્ટ્રપતિને આવેદનપત્ર સોંપ્યું છે સીબીઆઇ જજ બૃજગોપાલ હરકિશન લોયાના મોતના મામલે નિષ્પક્ષ તપાસની માગણીને લઇને વિપક્ષના નેતાઓએ રાષ્ટ્રપતિ રામનાથ કોવિંદ સાથે મુલાકાત કરી હતી.

    વિપક્ષી નેતાઓએ કોંગ્રેસ અધ્યક્ષ રાહુલ ગાંધીની આગેવાનીમાં આ સંબંધે રાષ્ટ્રપતિને આવેદન સોંપ્યું હતું જેમાં વિપક્ષની માંગણી હતી કે આ કેસની તપાસ વર્તમાન સુપ્રીમ કોર્ટના જજની આગેવાનીમાં એસઆઇટી પાસે કરાવવામાં આવે.

  વિપક્ષના આ પ્રતિનિધિ મંડળમાં કોંગ્રેસ અધ્યક્ષ રાહુલ ગાંધી, કપિલ સિબ્બલ, ગુલામ નબી આઝાદ, આનંદ શર્મા સહિત સીપીએમ, ટીએમસી, સહિત અન્ય પાર્ટીઓના નેતાઓ પણ સામેલ થયા હતા અત્રે ઉલ્લેખનીય છે કે . સુપ્રીમ કોર્ટમાં આ કેસની સુનાવણી ચીફ જસ્ટીસ દીપક મિશ્રાની આગેવાનીવાળી ખંડપીઠ કરી રહી છે.

(10:52 pm IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST