Gujarati News

Gujarati News

News of Saturday, 9th November 2019

અયોધ્યામાં કેટલી ઊંચી બનશે ભગવાન રાજા રામની પ્રતિમા, શું હશે વિશેષતા?

નવી દિલ્હી, તા.૯: આજે સુપ્રીમ કોર્ટે યોધ્યા કેસ મુદ્દે ચુકાદો આપી દીધો છે ત્યારે રામ મંદિર નિર્માણની માંગની વચ્ચે ઉત્ત્।રપ્રદેશની યોગી આદિત્યનાથ સરકારે અયોધ્યામાં ભગવાન રામની ૨૨૧ મીટર ઊંચી પ્રતિમા બનવવાનો નિર્ણય કર્યો છે.

આ પ્રતિમા હાલ દુનિયાની સૌથી ઊંચી પ્રતિમા સ્ટેચ્યૂ ઓફ યુનિટીથી આશરે ૩૯ મીટર ઊંચી હશે. સ્ટેચ્યૂ ઓફ યુનિટીની ઊંચાઇ ૧૮૨ મીટરની છે.

ભગવાન રામની પ્રતિમાની ડિઝાઇન ફાયનલ થઇ ગયુ છે. તેને સીએમ યોગીએ પણ મંજૂરી આપી દીધી છે. મૂર્તિ અંગેની જાણકારી આપતા ઉત્ત્।ર પ્રદેશ સરકારે ટ્વિટ કર્યું હતું.

અયોધ્યામાં શ્રીરામની મૂર્તિને ઉત્ત્।રપ્રદેશના મુખ્યમંત્રી યોગી આદિત્યનાથે લીલી ઝંડી આપી અને તેની આસપાસ કેવુ બનશે તે પણ નક્કી કરવામાં આવ્યું છે.

મીડિયા રિપોર્ટસ પ્રમાણે આ પ્રોજેકટમાં મૂર્તિ ઉપરાંત વિશ્રામ દ્યર, શ્રીરામની ઝૂપડી અને રામલીલા મેદાન પણ બનાવવામાં આવશે.

આ પ્રતિમાનો આધાર ૫૦ મીટરનો હશે અને આની ઉપર ૨૦ મીટર ઊંચુ છત્ર રહેશે. એટલે આ પ્રતિમાની કુલ ઊંચાઇ ૨૨૧ મીટર હશે. મૂર્તિના બેઝમાં અંદર એક ભવ્ય હોલ હશે.

(3:34 pm IST)
  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST