Gujarati News

Gujarati News

News of Saturday, 9th November 2019

ભારતીય મુળના અમેરિકન ફિઝીશ્યન રવિ ગોડસેએ બનાવી અંગ્રેજી ફિલ્મ

'રિમેમ્બર એમ્નેસિયા' નામની ફિલ્મમાં એવોર્ડ વિનર હોલીવૂડ, બોલીવૂડ અને મરાઠી ફિલ્મના અનેક કલાકારો

મુંબઇ તા. ૮: ડોકટર રવિ ગોડસેએ પોતાની નવી ફિલ્મ 'રિમેમ્બર એમ્નેસિયા'માં બે મોટા વૂડ (હોલીવૂડ અને બોલીવૂડ)ને ભેગા કર્યા છે!..આ ઉપરાંત મરાઠી ફિલ્મ ઇન્ડસ્ટ્રીના કલાકારો પણ આ ફિલ્મ સાથે સંકળાયેલા છે. આવું કરનારા તેઓ પહેલા નિર્દેશક છે.

ભારતીય મુળના ડોકટરની આ અંગ્રેજી ફિલ્મમાં ટોવાહ ફેલ્દુશુહ, લીસા એન વોલ્ટર, કર્ટીસ કૂક જેવા હોલીવૂડના કલાકારો છે. તો સાથે મહેશ માંજરેકર, શ્રુતિ મરાઠે, વિજય પાટકર, મોહન અગાસે, આનંદ કાલે સહિતના ભારતીય કલાકારો પણ અભિનય આપી રહ્યા છે.

ડો. રવિ ગોડસેએ કહ્યું હતું કે-આ ફિલ્મથી બોલીવૂડ જ નહિ, મરાઠી ફિલ્મ ઇન્ડસ્ટ્રી પણ વૈશ્વીક બની છે. મેં તેમનું કામ જોયું છે અને હું તેમનો ચાહક છું. ફિલ્મના બધા કલાકારોએ પોતપાતાના ક્ષેત્રમાં મહત્વનું કામ કર્યુ છે. હવે વિશ્વ તેનું કામ જોઇ શકશે. હોલીવૂડ, બોલીવૂડ કે અન્ય ફિલ્મ ઇન્ડસ્ટ્રી હોય, ટેલેન્ટ બધી જગ્યાએ હોય જ છે.

આ ફિલ્મના કલાકારોમાં મહત્વનું નામ ટોવાહ ફલ્દુશુરનું છે. તેણી બે વખત એમ્મી એવોર્ડ માટે નોમિનેટ થઇ ચુકી છે. આ ઉપરાંત બીજા ઘણા એવોર્ડ મેળવી ચુકી છે. ફિલ્મના લેખક અને નિર્દેશક ડોકટર રવિ ગોડસે છે. જ્યારે એડિટર સંજય સાંકલા છે. જેમણે 'કભી ખુશી કભી ગમ' જેવી ફિલ્મ માટે કામ કર્યુ હતું. 'રિમેમ્બર એમ્નેસિયા' ફિલ્મ અમેરિકા સ્થિત ભારતીય ડોકટરની કહાની છે. જે ભારતમાં આવીને એક અકસ્માતમાં પોતાની યાદદાસ્ત ગુમાવી બેસે છે. જ્યારે તેમની યાદશકિત પાછી આવે છે ત્યારે તેમને યાદ નથી હોતું કે તેના હાથે જ તેની પત્નિની હત્યા થઇ હતી કે નહિ?!  તસ્વીરમાં ડો. રવિ ગોડસે અને આનંદ કાલે જોઇ શકાય છે.

(1:01 pm IST)
  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST

  • ગોંડલ - જેતપુર નેશનલ હાઇવે પર અકસ્માત.:ચોરડી પાસેની ગોળાઈમાં આઇસર પલ્ટી ખાઈ ગયું : કોઈ જાનહાની નથી : ચોરડી પાસેની ગોળાઈમાં મસ મોટા ખાડા અને હાઇવેની લાઈટો બંધ હોવાથી આઇસર પલ્ટી માર્યું : આઇસર પલટી મારતા એક સાઈડનો રોડ વનવે થતા ટ્રાફિક જામ access_time 10:26 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST