Gujarati News

Gujarati News

News of Monday, 9th September 2019

પાયલટ્સની બે દિ 'હડતાળના કારણે બ્રિટીશ એરવેઝની 1500 ફ્લાઇટ કેન્સલ ;ત્રણ લાખ લોકો પર પડશે અસર

ન્યૂયોર્ક, દિલ્હી, હોંગકોંગ અને જોહાનેસબર્ગની તમામ ફ્લાઇટને અસર

નવી દિલ્હી :પાયલટ્સની હડતાળથી લગભગ બે લાખ 80 હજાર લોકો પ્રભાવિત થશે અને 704 કરોડ એટલે કે આશરે 80 મિલિયન પાઉન્ડનું નુકસાન થશે. એરલાઇનના 100 વર્ષના ઇતિહાસની આ સૌથી મોટી હડતાળ માનવામાં આવી રહી છે. આ હડતાળથી 704 કરોડનું નુકસાન થશે.

વિમાન કંપની બ્રિટીશ એરવેઝના પાયલટ્સ સોમવારે અને મંગળવારે હડતાળ પર છે. એરલાઇનના 100 વર્ષના ઇતિહાસમાં આ સૌથી મોટી હડતાળ માનવામાં આવી રહી છે. હડતાળના કારણે કંપનીએ 1500થી વધારે ઉડાનો રદ કરી દીધી છે. પાયલટ વેતન વિવાદને લઇને હડતાળ પર છે.

 ધ ટેલીગ્રામની માહિતી મુજબ પાયલટ્સની હડતાળથી લગભગ બે લાખ 80 હજાર લોકો પ્રભાવિત થશે અને 704 કરોડ રૂપિયા એટલે કે આશરે 80 મિલિયન પાઉન્ડનું નુકસાન થશે.

 હડતાળના કારણે ન્યૂયોર્ક, દિલ્હી, હોંગકોંગ અને જોહાનેસબર્ગની તમામ ફ્લાઇટને અસર થઇ છે. આ સંદર્ભમાં કંપનીએ યાત્રીઓને કહ્યું છે કે જો તમારી ફ્લાઇટ રદ થઇ ગઇ હોય તો એરપોર્ટ પર જશો નહીં.

હડતાળ અને ફ્લાઇટ કેન્સલ થયા બાદ રશિયાના વિદેશ મંત્રાલયે નાગરિકોને સચેત કર્યા છે.અત્રે ઉલ્લેખનીય છે કે  બ્રિટીશ એરલાઇન પાયલટ એસોસિએશને 23 ઓગસ્ટે જ હડતાળની જાહેરાત કરી દીધી હતી. વેતન અને ભથ્થામાં ઘટાડાના વિવાદો બાદ પાયલટ્સએ હડતાળનો નિર્ણય લીધો. ત્યારે એએલપીએ એ કહ્યું હતું કે 9 અને 10 સપ્ટેમ્બરે પાયલટ્સ હડતાળ પર રહેશે.

(11:38 am IST)
  • ક. ૩૭૦ના સમર્થનના બહાને જમ્મુ-કાશ્મીરમાં '' હાથી'' દોડાવવા ઇચ્છતા માયાવતીઃ જમ્મુ, કઠુઆ, ઉધમપુરના અનું. જાતીના ભારે પ્રમાણમાં રહેતા મતદારો ઉપર નજરઃ બસપાની યોજના સફળ થઇ શકે તેવી સંભાવના access_time 4:22 pm IST

  • બપોરે ૧ર થી ર વચ્ચે કોડીનાર, કંડોરણા, સોનગઢ, બારડોલી, ખંભાતમાં ૧ થી ૧II ઇંચ : આજે પણ ૧૦૩ તાલુકાઓમાં મેઘરાજાની હાજરી : સવારથી બપોર સુધીમાં સોનગઢ, ખગ્રામ (નવસારી), આહવામાં ચાર-ચાર ઇંચ : વધઇ-ડોલવણમાં ત્રણ-ત્રણ ઇંચ access_time 3:48 pm IST

  • રાષ્ટ્રપતિ રામનાથ કોવિંદ ૯ દિવસની વિદેશયાત્રાએઃ રાષ્ટ્રપતિ શ્રી રામનાથ કોવિંદ આજથી ૯ દિવસની વિદેશ યાત્રાએ જઈ રહ્યા છે. તેઓ આઈસલેન્ડ, સ્વીઝરલેન્ડ અને સ્લોવેનીયા ૩ દેશોની મુલાકાત લેશે. આ દેશોના વડાઓ સાથે ભારત સાથેના સંબંધો સહિત દ્વિપક્ષીય મંત્રણાઓ કરશે access_time 1:04 pm IST