Gujarati News

Gujarati News

News of Saturday, 9th June 2018

અમેરિકામાં ભારતની સંસ્કૃતિનું ગૌરવ વધારતો ઇન્ડિયન અમેરિકન યુવાન કેલ પટેલ : પરિવારની માલિકીના સ્ટોરમાં આવેલ ગ્રાહક ૧ મિલીયન ડોલર (અંદાજે ૬ કરોડ ૬૦ લાખ રૂપિયા) ની લોટરીની ટિકિટ ભૂલી જતા તેના ઘેર પહોંચાડી

કન્સાસ : અમેરિકાના કન્સાસમાં પરિવારની માલિકીનો સ્ટોર ચલાવતા ઇન્ડિયન અમેરિકન યુવાન કેલ પટેલએ પોતાના ગ્રાહકને ૧ મિલીયન ડોલરની લોટરી ટિકિટ કે જે કાઉન્ટર ઉપર ભૂલાઇ ગયેલી મળી આવી હતી તે તેના નિવાસસ્થાને જઇ પહોંચાડી દઇ ભારતીય સંસ્કૃતિનું ગૌરવ વધાર્યુ છે. તેવું સમાચાર સૂત્રો દ્વારા જાણવા મળે છે.

૩ ટિકિટો લઇ ડ્રો જોવા માટે આવેલા ગ્રાહકને ૨ ટિકિટમાં ઇનામ નહીં લાગતા ત્રીજી ટિકિટ કાઉન્ટર ઉપર ભૂલી જઇ તેઓ રવાના થઇ ગયા હતા. જે કેલ પટેલના ધ્યાનમાં આવતા તેણે જોયું કે આ ત્રીજી ટિકિટમાં  ૧ મિલીયન ડોલરનું ઇનામ લાગ્યું છે. તેથી તે ગ્રાહકને ઓળખતા હોવાથી તેના નિવાસસ્થાને ગયા હતાં. તથા લોટરી સુપ્રત કરી પ્રમાણિકતાનું ઉદાહરણ પુરૂ પાડયું હતું.

ગ્રાહકે તેની ઇમાનદારીની કદર કરી હતી. તથા તેનો ખૂબ ખૂબ આભાર માની ૧૨૦૦ ડોલરનો ચેક ઇનામ આપ્યો હતો.

(12:42 pm IST)
  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST