Gujarati News

Gujarati News

News of Sunday, 9th May 2021

યુપીના ઈટાવા ખાતેના લાયન સફારી પાર્કમાં બે સિંહણ પણ કોરોનાગ્રસ્ત : તંત્રમાં દોડધામ

હવે પ્રાણીઓ પાસે જનારા કર્મચારીઓને પીપીઈ કિટ પહેરવા માટે તાકીદ

યુપીના ઈટાવા ખાતે આવેલ લાયન સફારી પાર્કમાં બે સિંહણને પણ કોરોના થયો હોવાનું સામે આવી રહ્યું છે. આ અહેવાલ સામે આવતા જ તંત્ર દોડતું થઈ ગયું હતું.

સફારી પાર્કના અધિકારીઓએ કહ્યું હતું કે, ગૌરી અને જેનિફર નામની બે સિંહણનો ટેસ્ટ કરાયો હતો અને તેમનો રિપોર્ટ પોઝિટિવ આવ્યો છે. 30 એપ્રિલે આ બંને સિંહણોએ ભોજન પૂરૂ કર્યુ નહોતું. જે પછી સફારી પાર્કના ડોકટરોએ તેમનો કોરોના ટેસ્ટ કર્યો હતો. આ સાથે તેમને તાવ હોવાનું પણ દેખાયું હતું. તેમના બ્લડ ટેસ્ટના સેમ્પલ પણ તપાસ માટે મોકલવામાં આવ્યા હતા.

હાલમાં બંને સિંહણની સારવાર ચાલુ છે અને તેમને આઈસોલેશનમાં રખાઈ છે. અન્ય નિષ્ણાંતોનો પણ સારવાર માટે અભિપ્રાય લેવામાં આવી રહ્યો છે. આ દરમિયાન તંત્ર દ્વારા હવે પ્રાણીઓ પાસે જનારા કર્મચારીઓને પીપીઈ કિટ પહેરવા માટે તાકીદ કરવામાં આવી છે. આ સાથે જ તમામ કર્મચારીઓનો પણ કોરોના ટેસ્ટ કરવામાં આવ્યો છે. અહીંના લાયન સફારીમાં હાલમાં 18 સિંહોને રાખવામાં આવ્યા છે.

(8:31 pm IST)
  • અમદાવાદમાં વ્હેલી સવારથી વધુ એક લાઈનમાં લોકો ઉભા રહી ગયા : અમદાવાદમાં સવારે છ વાગ્યાથી કોરોનાની વેકસીન લેવા માટે આજે વસ્ત્રાપુર વિસ્તારમાં લોકોએ લાઈન લગાવી દીધી હતી. વીટીવીના અહેવાલ મુજબ વેકસીનના ડોઝ મર્યાદીત સંખ્યામાં હોવાથી લોકો સવારથી લાઈનમાં ઉભા રહી જાય છે. access_time 3:15 pm IST

  • લાખોના હીરાની ચોરી કરનારા બે મિત્રો ઝડપાઈ ગયા: સીસીટીવીની કમાલ : સુરતના વરાછામાં વૃંદાવન ઇન્ડસ્ટ્રિયલ સોસાયટીમાં કિશોરભાઈ રામજીભાઈ ભીંગરાડિયાના કારખાનમાંથી ૨૮ લાખના હીરા ચોરનારા ગૌતમ અને રાજ નામના ૨ કર્મચારી પકડાયા: access_time 11:50 am IST

  • દિલ્હીમાં એક સપ્તાહ માટે લોકડાઉન લંબાવાયુ : મુખ્યપ્રધાન શ્રી અરવિંદ કેજરીવાલે પાટનગર દિલ્હીમાં એક અઠવાડિયા માટે લોકડાઉન લંબાવવાની જાહેરાત કરી છે. દિલ્હીમાં કોરોનાએ રીતસર હાહાકાર સર્જી દીધો છે access_time 12:39 pm IST