Gujarati News

Gujarati News

News of Saturday, 8th May 2021

ઇઝરાઇલની અલ અક્સા મસ્જિદમાં નમાઝ બાદ હિંસા :150 થી વધુ પેલેસ્ટાઇનીઓ ઘાયલ

નમાઝીઓ અને પોલીસ વચ્ચે ભીષણ અથડામણ: પોલીસે ટોળા પર સીધા જ રબરના ગોળીઓ ચલાવી

ઇઝરાઇલની રાજધાની જેરૂસલેમની અલ અક્સા મસ્જિદમાં શુક્રવારની નમાઝ બાદ હિંસા ફાટી નીકળી હતી. આ દરમિયાન નમાઝીઓ અને પોલીસ વચ્ચે ભીષણ અથડામણ થઈ હતી, જેમાં 150 થી વધુ પેલેસ્ટાનીઓ ઘાયલ થયા હતા. આમાંથી 83 લોકો ગંભીર રીતે ઘાયલ થયા છે. રમજાન મહિના દરમિયાન અહીં પેલેસ્ટિનિયન અને ઇઝરાઇલી પોલીસ વચ્ચે અનેક મુકાબલો થયો છે. આ વખતે શુક્રવારે જુમ્મેની નમાઝ પર અલ અક્સા મસ્જિદમાં આશરે 70 હજાર લોકોની ભીડ હતી. નમાઝ પછી, અચાનક હિંસા શરૂ થઈ, કયા કારણોની જાણકારી મળી નથી.

 પેલેસ્ટાઇનિય લોકોની રેડ ક્રેસન્ટ ઇમરજન્સી સર્વિસ મુજબ પોલીસે ટોળા પર સીધા જ રબરના ગોળીઓ ચલાવી હતી, જેના કારણે મોટાભાગના નમાઝીઓના ચહેરા અને આંખમાં ઈજાઓ પહોંચી હતી. હિંસામાં છ પોલીસકર્મીઓ પણ ઘાયલ થયા છે. આ પહેલા શુક્રવારે પોલીસ સાથેની અથડામણમાં બે પેલેસ્ટીની  માર્યા ગયા હતા. રમઝાન મહિના દરમ્યાન પૂર્વ જેરૂસલેમમાં તણાવ સર્જાયો છે. ઇઝરાઇલ અને પેલેસ્ટાઇન બંને આ સ્થાનનો દાવો કરે છે. ઇઝરાઇલ પોલીસે કેટલાક પવિત્ર સ્થળોએ પ્રવેશ પર પ્રતિબંધ મૂક્યો હતો, જ્યાં મોટાભાગના મુસ્લિમો આખો દિવસ ઉપવાસ કર્યા બાદ એકઠા થયા હતા ત્યારે આ તણાવ વધુ વધી ગયો હતો. યુ.એસ.એ આ તકરાર અંગે ચિંતા વ્યક્ત કરી છે અને કહ્યું છે કે બંને પક્ષે તણાવ ઓછો કરવા માટે પ્રયત્ન કરવો જોઇએ.

(12:31 am IST)
  • એવા ટેન્કરોને દેશભરમાં ટોલ-ફી ભરવામાંથી મુક્તિ આપવામાં આવી દેશભરના નેશનલ હાઈવે ઉપર લિક્વિડ મેડિકલ ઓક્સિજન લઈ જતા ટેન્કરોને, નેશનલ હાઇવે ઓથોરિટી ઓફ ઇન્ડિયાએ ટોલ-ફી ભરવામાંથી મુક્તિ આપી છે. access_time 8:59 pm IST

  • દિલ્હીમાં એક સપ્તાહ માટે લોકડાઉન લંબાવાયુ : મુખ્યપ્રધાન શ્રી અરવિંદ કેજરીવાલે પાટનગર દિલ્હીમાં એક અઠવાડિયા માટે લોકડાઉન લંબાવવાની જાહેરાત કરી છે. દિલ્હીમાં કોરોનાએ રીતસર હાહાકાર સર્જી દીધો છે access_time 12:39 pm IST

  • અમદાવાદમાં વ્હેલી સવારથી વધુ એક લાઈનમાં લોકો ઉભા રહી ગયા : અમદાવાદમાં સવારે છ વાગ્યાથી કોરોનાની વેકસીન લેવા માટે આજે વસ્ત્રાપુર વિસ્તારમાં લોકોએ લાઈન લગાવી દીધી હતી. વીટીવીના અહેવાલ મુજબ વેકસીનના ડોઝ મર્યાદીત સંખ્યામાં હોવાથી લોકો સવારથી લાઈનમાં ઉભા રહી જાય છે. access_time 3:15 pm IST