Gujarati News

નવી દિલ્હી- બેન્ક કર્મચારી સંગઠનોએ ઇન્ડિયન બેંક એસોસિએશન (આઇબીએ) ના પગારમાં ૨ ટકા વધારો કરવાની ઓફરને ફગાવી દીધી હતી અને તે માટે સંસ્થાએ તેમની માંગણીઓને લઈને મે મહિનામાં હડતાળ પર ઉતરવવા માટેની ચેતવણી આપી છે.

યુનાઈટેડ ફોરમ ઓફ બેન્ક યુનિયન્સ (યુએફબીયુ)ના એઆઈબીઓસીના જનરલ સેક્રેટરી ડીટી ફ્રેન્કોએ એક નિવેદનમાં જણાવ્યું હતું કે આઇબીએની પ્રારંભિક ઓફર માત્ર ૨ ટકા વધારાની હતી, જે સંપૂર્ણપણે ફગાવી દેવામાં આવી હતી. યુએફબીયુને ૯ કર્મચારી અને અધિકારી સંગઠનોના સંયોજન દ્વારા બનાવવામાં આવ્યું છે. આ અંગે ફોરમએ નિર્ણય લીધો છે કે, ૯ મેના રોજ દેશના લગભગ ૧૦ લાખ બેંક કર્મચારીઓ ૨ દિવસ સુધી હડતાળ કરશે.