Gujarati News

Gujarati News

News of Tuesday, 9th March 2021

કાળમુખા કોરોનાને કારણે ૬૩ ટકા લોકો ખર્ચ ઘટાડવા મજબૂર બન્યા

ચોંકાવનારો રીપોર્ટઃ ભારતીય ગ્રાહકોની નાણાકીય સ્થિતિ વૈશ્વિક મુકાબલે વધુ નાજુકઃ મજબૂર કે વિવશ વર્ગમાં સામેલ વૈશ્વિક ગ્રાહકોની સંખ્યા ૪૬ ટકા છે તો ભારતમાં ૬૩ ટકા : મોટાભાગના શહેરી લોકોને આશા નથી કે ૨૦૨૧ના પ્રથમ ૬ માસમાં આવક વધશેઃ ગ્રાહકોએ ખર્ચની ટેવ પણ બદલાવીઃ ખર્ચ ઘટાડવા નવી નવી રીતો લોકો અજમાવી રહ્યા છે

નવી દિલ્હી, તા. ૯ :. કોરોના સંકટ લાંબુ ખેંચાતા તેની માઠી અસર ભારતીય ગ્રાહકો પર પડી છે. સંકટના કારણે દેશના ૬૩ ટકા ગ્રાહકો પોતાનો ખર્ચ ઘટાડવા મજબુર બન્યા છે. ડેટા એનાલીટીકસ ફર્મ નિલ્સનના રીપોર્ટમાં આવુ જણાવવામાં આવ્યુ છે.

રીપોર્ટ અનુસાર ભારતમાં રહેતા શહેરી લોકો પર કોરોના સંક્રમણ રોકવાને લઈને જારી પ્રતિબંધની અસર હજુ સુધી પડી રહી છે. જેના કારણે ૬૩ ટકા ગ્રાહકોની આવકમાં ઘટાડો થયો છે અને લાચારીમાં પોતાનો ખર્ચ ઘટાડવા મજબુર બન્યા છે.

રીપોર્ટ અનુસાર ભારતીય ગ્રાહકોની નાણાકીય સ્થિતિ વિશ્વના મુકાબલે વધુ નાજુક છે. સર્વેમાં નવા મજબુર કે વિવશ વર્ગમાં સામેલ વૈશ્વિક ગ્રાહકોની સંખ્યા ૪૬ ટકા છે જ્યારે ભારતમાં તે ૬૩ ટકા છે. આનાથી સ્પષ્ટ થાય છે કે ભારતીય ગ્રાહકોની નાણાકીય સ્થિતિ કોરોનાના કારણે વધુ બગડી છે અને તેની અસર ખરીદી અને ખર્ચ પર જોવા મળી છે.

ભારતીય શહેરના લોકોમાથી એક તૃત્યાંશ લોકો ૨૦૨૧ના પ્રથમ ૬ મહિનામાં આવકના વધારાને લઈને આશાવાદી નથી. આવકમાં સુધારાને લઈને નિરાશા ઝડપથી વધી રહી છે.

રીપોર્ટ અનુસાર ૨૦૨૦ના મધ્યથી લઈને ડીસે. ૨૦૨૦ સુધી ગ્રાહકોમાં ખર્ચની ટેવમાં મોટો ફેરફાર થયો છે. સર્વે અનુસાર ૪ પ્રકારના ગ્રાહકોના વ્યવહારની ઓળખ થઈ છે. જેમાં કોરોના પૂ ર્વથી ખર્ચને લઈને સતર્ક રહેતા ગ્રાહકોની આવક વધવા છતા પણ ખર્ચ નહી કરવાવાળા ગ્રાહકો સામેલ છે. અનેક ગ્રાહકોએ ખરીદીની ટેવ પણ બદલાવી છે.

ભારતીય ગ્રાહકો ઘરેલુ ખર્ચને ઘટાડવા માટે વિવિધ પ્રકારની રીતો અજમાવી રહ્યા છે. સર્વે અનુસાર ૪૬ ટકા ગ્રાહકો લોકલ પ્રોડકટ ખરીદી રહ્યા છે તો ૫૦ ટકાની પસંદ લોકલ બ્રાન્ડ છે. સર્વે અનુસાર વૈશ્વિક સ્તર પર ૭૦ ટકા અને ભારતમાં ૮૮ ટકા શહેરી ગ્રાહકો ખર્ચ કરવાને લઈને ડર અનુભવી રહ્યા છે.

(10:24 am IST)
  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST

  • રાંચી : ઝારખંડ વિધાનસભામાં ભાગ લેવા અને પેટ્રોલ-ડિઝલના ભાવ વધારાના વિરોધમાં કોંગ્રેસના ધારાસભ્ય અંબા પ્રસાદ ઘોડે ચડીને ગૃહમાં પહોંચેલ. access_time 2:52 pm IST