Gujarati News

Gujarati News

News of Saturday, 8th June 2019

અવહેલના

બધા રાજકીય પક્ષોએ ઉમેદવારોનાં 'કારનામા' છુપાવ્યા

સુપ્રિમ કોર્ટના નિર્દેશોનો ઉલાળીયોઃ એક પણ ઉમેદવાર કે પક્ષે ઉમેદવારોના ગુનાહિત રેકોર્ડની વિગત ન તો અખબારોમાં પ્રસિદ્ધ કરી કે ન તો ટીવીમાં પ્રસારિત કરી

નવી દિલ્હી, તા. ૮ :.  ૧૭મી લોકસભાની ચૂંટણીમાં ઉમેદવારોના ડાઘ છુપાવવામાં કોઈપણ રાજકીય પાછળ નથી રહ્યો. સુપ્રિમ કોર્ટના આદેશ છતા પણ કોઈ ઉમેદવાર અથવા તેમને મેદાનમાં ઉતારનાર પક્ષે તેમનો આપરાધિક રેકોર્ડ ટીવી અથવા અખબારમાં પ્રસારીત કરવાની દરકાર નથી કરી.

લોકસભામાં આ વખતે ૫૪૨માંથી ૨૩૩ એટલે કે લગભગ ૪૩ ટકા દાગીઓ ચૂંટાઈને આવ્યા છે. જેમાંથી ૨૯ પર સંગીન કેસ રજીસ્ટર થયેલા છે. ચૂંટણી પંચનો સ્પષ્ટ દિશાનિર્દેશ હતો કે ઉમેદવારોના આપરાધિક રેકોર્ડનો પ્રચાર ત્રણવાર મોટા અક્ષરોમાં સ્થાનિક અખબારો અને ટીવીમાં કરવામાં આવે. પંચે આ આદેશ સપ્ટેમ્બર ૨૦૧૮માં સુપ્રિમ કોર્ટના ચુકાદાને ધ્યાનમાં રાખીને આપ્યો હતો. રાજકીય પક્ષોએ તેનો વિરોધ પણ કર્યો હતો.

તેમણે પંચ પાસે માગણી કરી હતી કે આપરાધિક રેકોર્ડના પ્રચાર પર થનારો ખર્ચ ઉમેદવારના નહી પણ પક્ષના ખાતામાં ગણવામાં આવે પણ પંચે તેનો અસ્વિકાર કર્યો હતો. ઉલ્લેખનિય છે કે લોકસભા ઉમેદવાર માટે ખર્ચની લીમીટ ૭૫ લાખ રૂપિયા છે.

ચૂંટણી પર નજર રાખતી સંસ્થા એડીઆરના સંસ્થાપક જગદીપ છોકર કહે છે કે સુપ્રિમના આ આદેશનું પાલન કરાવવું સહેલુ નહોતુ. આ બાબતે પંચ કંઈ નહી કરી શકે કેમ કે કોણે પ્રચાર કર્યો - કોણે નહી ? તેની માહિતી મેળવવાની કોઈ વ્યવસ્થા જ નથી

(11:39 am IST)
  • આઈએસઆઈનું હવે પછીનું નિશાન જમ્મુ હોવાનો ધડાકો : ૬ સભ્યો વિડીયોગ્રાફી કરતાં ઝડપાયા પાકિસ્તાનની જાસૂસી સંસ્થા આઈએસઆઈનું હવે પછીનું નિશાન જમ્મુ વિભાગમાં આવેલ લશ્કરી અને મહત્વના સ્થળો હોવાનો મોટો ધડાકો થયો છે : પોલીસ દ્વારા નેસ્ત નાબુદ કરવામાં આવેલ ૬ સભ્યોના જાસૂસી મોડ્યુલની પૂછપરછ દરમિયાન આ વાત બહાર આવી છે : તાજેતરમાં પકડાયેલા ૪ પાકિસ્તાની જાસૂસોની પૂછપરછ ચાલુ છે : જમ્મુ બહાર આવેલ રતનુચક વિસ્તાર આસપાસના લશ્કરી મથકની વિડીયોગ્રાફી કરતાં પકડાઈ ગયેલ મુસ્તાક અહેમદ મલિક અને નદીમ અખ્તરની પૂછપરછના આધારે એજન્સીઓએ સદ્દામ હુસૈન, સફદર અલી, મોહમ્મદ સલીમ અને અબ્દુલ કરીમને ઝડપી લીધા છે : આ લોકો ઉધમપુર અને રોડા પંથકમાં હિઝબુલ મુઝાહીદ્દીનનું નેટવર્ક ઉભુ કરી રહ્યા હતા access_time 5:48 pm IST

  • અમદાવાદમાં આજે ઓરેન્જ એલર્ટ : સૌરાષ્ટ્ર-કચ્છ અને ઉતર ગુજરાતમાં હિટવેવની આગાહી access_time 3:36 pm IST

  • આંતરરાષ્ટ્રીય હવાઈ મુસાફરી કરનારાઓ માટે આવતા મહિનાથી એએસએફ (એરપોર્ટ સિકયોરીટી ફી)માં ૩.૨૫ ડોલરમાંથી ૪.૮૫ ડોલરનો વધારો કરવામાં આવશે access_time 5:45 pm IST