Gujarati News

Gujarati News

News of Thursday, 8th April 2021

કોરોનાનું પરિણામ દેવાની જાળમાં ફસાયો દેશ

ભારતનો જીડીપી રેશિયો ૯૦ ટકા સુધી પહોંચ્યો

નવી દિલ્હી, તા.૮: આંતરરાષ્ટ્રીય મુદ્રા કોષ(IMF)ના એક રિપોર્ટમાં આપવામાં આવેલી માહિતી અનુસાર, વર્ષ ૨૦૨૦માં ભારતનું કુલ ઉત્પાદન જો ૧૦૦ રૂપિયાનું હતું, તો દેવાનો બોજ વધીને ૯૦ રૂપિયા થઇ ગયો. ઉલ્લેખનીય છે કે વર્ષ ૨૦૨૦માં ભારતની કુલ જીડીપી અંદાજિત ૧૮૯ લાખ કરોડ રૂપિયા અને દેવું ૧૭૯ લાખ કરોડ રૂપિયા હતું. જોકે IMFએ પણ કહ્યું કે, દેશની અર્થવ્યવસ્થામાં હવે જે સુધારો થઇ રહ્યો છે, તેના કારણે આનો રેશિયો ઘટીને ૮૦ ટકા સુધી આવી શકે છે.

જોકે એક રાહત આપતા એવા સમાચાર પણ છે કે IMFને અંદાજ છે કે ભારતીય અર્થવ્યવસ્થા ૨૦૨૧માં ૧૨% ની વૃદ્ઘિ કરશે, જે એકમાત્ર મોટી અર્થવ્યવસ્થા છે જે કોવિડ -૧૯ રોગચાળા દરમિયાન ગયા વર્ષે સકારાત્મક વિકાસ દર ધરાવે છે.

ઉલ્લેખનીય છે કે, કોઇ દેશના કુલ દેવામાં કેન્દ્ર અને રાજય સરકારો દ્વારા લેવામાં આવેલા દેવાનો યોગ હોય છે. તેને જયારે દેશમાં એક વર્ષની અંદર થયેલા કુલ ઉત્પાદન એટલે GDPથી વિભાજિત કરે છે તો દેવું-જીડીપી રેશિયો મળે છે.

ન્યૂઝ એજન્સી પીટીઆઈના અનુસાર, IMFના નાણાકીય મામલે વિભાગના ડેપ્યુટી ડાયરેકટર પાઓલો મોરોએ કહ્યું કે, કોરોના મહામારી પહેલા વર્ષ ૨૦૧૯માં ભારતના દેવાનો રેશિયો GDPનો ૭૪ ટકા હતો, પરંતુ વર્ષ ૨૦૨૦માં આ GDP અંદાજિત ૯૦ ટકા સુધી આવી ગયો છે. આ વધારો દ્યણો વધારે છે, પરંતુ બીજા ઉભરતા બજારો અથવા અઘતન અર્થવ્યવસ્થાઓનો પણ આ જ હાલ છે.

તેમણે કહ્યું કે, અમારો અંદાજ છે કે જેમ જેમ અર્થવ્યવસ્થા સુધરશે, દેવાના રેશિયામાં સુધારો થશે. અર્થવ્યવસ્થામાં સારો સુધારો થયો તો મધ્યમ અવધિમાં આ રેશિયો અંદાજિત ૮૦ ટકા સુધી આવી શકે છે.

(4:13 pm IST)
  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • લગભગ દોઢ મહિના પછી, પૂર્વી લદ્દાખને અડીને LAC પરના તનાવને સંપૂર્ણ રીતે સમાપ્ત કરવા માટે શુક્રવારે ભારત અને ચીનના કોર કમાન્ડરો ફરીથી મળવા જઇ રહ્યા છે. આ બેઠક LAC ની બાજુમાં, ચુસુલમાં, ભારતમાં યોજાશે. લગભગ એક વર્ષથી પૂર્વ લદ્દાખને અડીને LAC પરના તણાવમાં આ અગિયારમો રાઉન્ડ છે. 20 મી ફેબ્રુઆરીએ છેલ્લી બેઠક મળી હતી. access_time 12:25 am IST

  • પશ્ચિમ બંગાળમાં રાજકીય હિંસાનો સિલસિલો યથાવત : બંગાળ ભાજપ અધ્યક્ષ દિલીપ ઘોષની કાર ઉપર હુમલો : જે ગાડીમાં બેઠા હતા તેનો કાચ તૂટ્યો : તૃણમૂલ કોંગ્રેસના કાર્યકરો ઉપર આરોપ access_time 8:45 pm IST