Gujarati News

Gujarati News

News of Wednesday, 8th January 2020

ઓસ્ટ્રેલિયામાં ૧૦,૦૦૦ જંગલી ઊંટોને મારવાનો આદેશ

પાણીની તંગીએ આ ઊંટો વસાહતોમાં ઘૂસી આવે છેઃ એક વર્ષમાં એક ટન કાર્બન ડાયોકસાઇડના બરાબર મિથેન વાયુનું ઉત્સર્જન કરે છે

કેનબેરા, તા.૮: દક્ષિણ ઓસ્ટ્રેલિયામાં પાણીની અછતને કારણે ૧૦ હજાર જંગલી ઊંટોને મારી નાખવાના આદેશ આપવામાં આવ્યા છે. દક્ષિણ ઓસ્ટ્રેલિયાના Anangu Pitjantjatjara Yankunytjatjara lands એટલે કે APYના અબોર્જિનલ નેતાએ બુધવારે આ આદેશ જારી કર્યા હતા. તેમના આદેશ મુજબ દક્ષિણ ઓસ્ટ્રેલિયામાં હેલિકોપ્ટરની મદદથી કેટલાક પ્રોફેશનલ શૂટર ૧૦,૦૦૦થી વધારે જંગલી ઊંટોને મોતને દ્યાટ ઉતારી દેશે.

મીડિયા રિપોર્ટ મુજબ દક્ષિણ ઓસ્ટ્રેલિયાના લોકો સતત ફરિયાદ કરી રહ્યા હતા કે જાનવરો પાણીની શોધમાં તેમના ઘરોમાં ઘૂસી આવે છે, જે પછી ત્યાંના આદિવાસી નેતાઓએ ૧૦ હજાર ઊંટોને મારી નાંખવાનો નિર્ણય લીધો હતો. નેતાઓેને એ મામલે પણ ચિંતા હતી કે આ જંગલી જાનવરો ગ્લોબલ વોર્મિંગને પણ વધારી રહ્યા છે કારણ કે તેઓ એક વર્ષમાં એક ટન કાર્બન ડાયોકસાઇડના બરાબર મિથેન વાયુનું ઉત્સર્જન કરે છે. જે રોડ પર ચાલતી ચાર લાખ કારો દ્વારા ફેંકવામાં આવતા ધૂમાડાની બરાબર છે.

બીજી તરફ રાષ્ટ્રીય કીટ ઊંટ પ્રબંધન યોજનાએ દાવો કર્યો છે કે, જંગલી ઊંટોની સંખ્યા દર નવ વર્ષે બેગણી થઇ જાય છે. તેમજ ઊંટો પાણી પણ વધારે પીવે છે જે કારણે આટલા મોટા પ્રમાણમાં તેમને મારી નાંખવાનો નિર્ણય લેવામાં આવ્યો છે.

(10:55 am IST)
  • વિદ્યાર્થીઓના સમર્થનમાં જેએનયુ પહોંચેલી દીપિકા પાદુકોણને લઈને કન્હૈયાકુમારે કહ્યું સારું થયું તે આવી પરંતુ મેં જોઈ નથી અને તેણી સાથે વાત કરી શક્યો નથી : મારી તેની સાથે મુલાકાત થઇ નથી: તે જેએનયુ છાત્રસંઘની અધ્યક્ષ આઈસી ઘોષને મળી access_time 1:24 am IST

  • નાગરિકતા સંશોધન કાયદાના સમર્થનમાં ઉતરી અભિનેત્રી જુહી ચાવલા : બોલીવુડની અનેક હસ્તીઓએ સીએએ અને એનસીઆરનો વિરોધ કર્યો છે : દીપિકા પાદુકોણની જેએનયુની મુલાકાત બાદના વિવાદ વચ્ચે અભિનેત્રી જુહી ચાવલાએ ભાજપ સમર્થિત એક વિરોધ પ્રદર્શનમાં ભાગ લીધો : જુહીએ કહ્યું કે આપણામાંથી એવા કેટલા લોકોક હહે જૉ છેલ્લા પાંચ વર્ષમાં એકદિવસની પણ છૂટી લીધી નથી: એક આપણા વડાપ્રધાન છે છે સતત દેશને આગળ લાવવા પ્રયાસ કરે છે access_time 10:54 pm IST

  • ઈરાકના બે લોકેશન ઉપર ઈરાનમાંથી બે મિસાઈલો આજે સવારે છોડવામાં આવ્યા છે : વિગતો મેળવાઈ રહી છે : ઈરાકમાં આવેલ બે અમેરિકી લશ્કરી મથકો ઉપર ઈરાને ૨ મિસાઈલો જીકયા છે : ડોનાલ્ડ ટ્રમ્પે જાહેર કર્યુ છે કે બધુ સહી સલામત છે access_time 1:02 pm IST