Gujarati News

Gujarati News

News of Wednesday, 8th January 2020

તો, સહકારી બેંકસ તેનું ૫૦ ટકા ધિરાણ ૨૫ લાખ સુધીની મર્યાદામાં જ કરી શકશે

ડ્રાફટ ગાઇડલાઇનથી સહકારી બેંકિંગ ક્ષેત્રે ખળભળાટ : ટૂંકમાં બેંક એસો. વિરોધ નોંધાવશે

મુંબઇ, તા.૮: પીએમસી બેંક કૌભાંડ બાદ સમગ્ર સહકારી બેંકિંગ ક્ષેત્ર સામે સખ્તાઇ અપનાવાઇ છે. સહકારી બેંકોમાં બોર્ડ ઓફ ડિરેકટર્સની ઉપર બોર્ડ ઓફ મેનેજમેન્ટની રચનાની જોગવાઇથી કળ વળી નથી ત્યાં ફરી સહકારી બેંકો માટે ધિરાણ પર અંકુશ મૂકતી ડ્રાફટ ગાઇડલાઇન જાહેર કરવામાં આવી છે. જે ગાઇડલાઇનને મંજૂરી મળશે અને તે મુજબના અમલીકરણની વાત આવશે તો, સહકારી બેંકો માટે ધિરાણ કરવું મુશ્કેલ બનશે. સહકારી બેંકો તેમના કુલ ધિરાણના ૫૦ ટકા ધિરાણ રૂપિયા ૨૫ લાખ સુધીની મર્યાદામાં જ કરી શકશે. આ ઉપરાંત ગાઇડલાઇનમાં અમુક બાબતો સહકારી બેંકિંગ સેકટર માટે મુશ્કેલી સર્જનારી બની શકે છે. જેને લઇ સહકારી બેંકિંગ સેકટરમાં જાણે સોપો પડી ગયો છે. સહકારી બેંકિંગ ક્ષેત્રે આ ડ્રાફટ ગાઇડલાઇન સામે વિરોધ નોંધાવવાનંુ અને આ જોગવાઇ નુકસાનકર્તા હોવાની રજૂઆત કરવાનું મન બનાવ્યું છે. જે અંગે ટૂંકમાં નિર્ણય કરવામાં આવશે.

(10:54 am IST)
  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST

  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST

  • રાજયના વિવિધ ગંભીર પ્રશ્નોની રજૂઆત માટે વિપક્ષી નેતા પરેશ ધાનાણી કોંગ્રેસનંુ પ્રતિનિધિ મંડળ રાજયપાલને મળશે : પરેશ ધાનાણીના નિવાસસ્થાને ધારાસભ્યો એકઠા થયા : ખેડૂતોને પાકવિમા, સરકારી શાળાઓ બંધ કરવાના મામલે અને નવજાત શિશુઓના મોત તેમજ મંદી, મોંઘવારી, બેરોજગારી, ખેડૂતોને દેવામાફી સહિતના મુદ્દાઓ લઈને રાજયપાલ આચાર્ય દેવવ્રત સાથે મુલાકાત કરશે access_time 5:18 pm IST