Gujarati News

ભોપાલ લોકસભા બેઠક પર દિગ્વિજયસિંહને હરાવી સંસદસભ્ય બનનાર ભાજપનાં નેતા સાધ્વી પ્રજ્ઞાસિંહ ઠાકુરને નાદુરસ્ત તબિયતને લીધે ખાનગી હૉસ્પિટલમાં દાખલ કરવામાં આવ્યાં છે.

  આ અંગે ધ હિન્દુનો અહેવાલ જણાવે છે કે સાધ્વી પ્રજ્ઞાસિંહ ઠાકુરને  કમરના ભારે દુખાવા, હાઇ બ્લડપ્રેશરની ફરિયાદને લીધે બુધવારે રાત્રે હૉસ્પિટલાઇઝ્ડ કરવામાં આવ્યા હતાં અને ગુરુવારે તેમને રજા આપી દેવામાં આવી હતી.

 જૂનના રોજ મુંબઈની એનઆઈએની ખાસ કોર્ટે માલેગાંવ બૉમ્બબ્લાસ્ટ કેસમાં આરોપી એવા પ્રજ્ઞાસિંહ ઠાકુરને દર અઠવાડિયે અદાલતમાં હાજરી આપવા માટેનો આદેશ આપ્યો હતો. આ આદેશ મુજબ એમણે 7 જૂન યાને કે આવતી કાલે અદાલત સમક્ષ હાજ થવાનું હતું.

 અત્રે ઉલ્લેખનીય છે કે 2008માં થયેલા માલેગાંવ બૉમ્બબ્લાસ્ટમાં 100 લોકો ઘાયલ થયા હતાં અને 7 લોકોનાં મૃત્યુ થયાં હતાં.