Gujarati News

Gujarati News

News of Saturday, 6th March 2021

પ્રિયંકા ગાંધી યુપીથી નહીં તમિલનાડુના કન્યાકુમારીથી લોકસભાની ચૂંટણી લડશે !?

કન્યાકુમારી લોકસભા બેઠકની પેટાચૂંટણી જાહેર : પ્રિયંકા ગાંધીને ચૂંટણી લડાવવા ઝુંબેશ

નવી દિલ્હી :પ્રિયંકા ગાંધી તમિલનાડુના કન્યાકુમારીથી લોકસભાની ચૂંટણી લડે એવી શક્યતા છે. ૨૦૧૯ની લોકસભા ચૂંટણીમાં કન્યાકુમારી બેઠક પરથી કોંગ્રેસના હરિકૃષ્ણન વસંતકુમાર જીત્યા હતા પણ તેમના નિધનના કારણે આ બેઠક ખાલી પડી છે. ચૂંટણી પંચે પાંચ રાજ્યોની વિધાનસભા ચૂંટણી સાથે કન્યાકુમારી લોકસભા બેઠકની પેટાચૂંટણી પણ જાહેર કરી છે.

તમિલનાડુના કોંગ્રેસીઓએ સાંસદ કાંત ચિદંબરમની આગેવાનીમાં આ બેઠક પરથી પ્રિયંકા ગાંધીને લડાવવા માટે સહી ઝુંબેશ શરૂ કરી છે. કાતએ તો કોંગ્રેસ ચૂંટણી સમિતીને પત્ર લખીને પ્રિયંકાને જ ઉમેદવાર બનાવવા કહ્યું છે. વસંતકુમારના પરિવારે પણ પ્રિયંકાને ચૂંટણી લડવા નિમંત્રણ આપ્યું છે

વસંતકુમાર તમિલનાડુના ટોચના બિઝનેસમેન હતા. તેમણે ભાજપના દિગ્ગજ નેતા અને મોદી સરકારના પ્રધાન પોન રાધાકૃષ્ણનને ૩ લાખ કરતાં વધારે મતે હાર આપી હતી. વસંતકુમારના પરિવારે તન, મન, ધનથી મદદ કરીને પ્રિયંકાને જીતાડવાની ખાતરી આપી છે.

સૂત્રોના મતે, પ્રિયંકા કન્યાકુમારીથી લડશે એ નક્કી મનાય છે પણ તેમને બહારનાં ઉમેદવાર ગણાવીને વિરોધ ના કરાય એટલા માટે આ માહોલ ઉભો કરાઈ રહ્યો છે.

(12:02 pm IST)
  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST

  • દેશમાં કોરોનાએ ફરી ફૂફાડો માર્યો : છેલ્લા ૧૦ દિવસમાં ૧૧ રાજ્યના ૩૪ જિલ્લામાં કોરોનાના કેસ નોંધાવાની ઝડપ બમણી : મહારાષ્ટ્રના ૬, પંજાબના પાંચ, ગુજરાતના ૪ અને મધ્યપ્રદેશના ૩ જિલ્લામાં સ્થિતિ વણસી:કેરળ અને મહારાષ્ટ્ર બાદ હવે પંજાબમાં પણ રોજના ૧૦૦૦થી વધુ કોરોનાના નવા કેસ નોંધાઈ રહ્યા છે access_time 12:50 am IST

  • સુરતમાં પ્રતિબંધિત સંગઠન સીમીના કેસમાં તમામ ૧૨૭ આરોપીઓ નિર્દોષ જાહેર : ૧૨૭માંથી ૫ આરોપીઓના મોત થઈ ચૂકયા છે : તમામ સામે અનલો-એકટીવીટી હેઠળ કેસ ચાલુ હતો : ૨૧ વર્ષ જૂના કેસમાં કોર્ટ દ્વારા આજે મહત્વનો ચુકાદો આપવામાં આવ્યો છે : તમામ આરોપીઓને નિર્દોષ જાહેર કરવામાં આવ્યા છે : ૨૦૦૧માં અઠવા પોલીસે કેસ નોંધ્યો હતો access_time 1:13 pm IST