Gujarati News

Gujarati News

News of Saturday, 6th March 2021

રેલ્વેની તમામ અનરક્ષિત અનામત સ્પેશયલ ટ્રેનોનું ભાડૂ આજથી મેઇલ-એકસપ્રેસની જેમ જ લાગુ કરાશેઃ જાહેરાત

એપ્રિલથી ૮૭૦૦ થી વધુ ટ્રેનોમાં કન્ટેન્ટ ઓન ડીમાન્ડઃ ફિલ્મ-સમાચાર-સહિતની સુવિધા

રાજકોટ તા. ૬ :.. વેસ્ટર્ન રેલ્વેની તમામ અનરક્ષિત અનામત સ્પેશયલ ટ્રેનોનું ભાડુ આજથી અનરક્ષિત મેઇલ-એકસપ્રેસ ટ્રેનના ભાડા મુજબ લાગુ થશે તેવી જાહેરાત પશ્ચિમ રેલ્વેના મુખ્ય જનસંપર્ક અધિકારી શ્રી સુમિત ઠાકૂરે કરી છે.

દરમિયાન રેલ્વેના સુત્રોના ઉમેર્યા પ્રમાણે આ મહિનાના અંતથી કે એપ્રીલથી ટ્રેનોમાં કન્ટેન્ટ ઓન ડિમાન્ડ સર્વીસ લોન્ચ કરવામાં આવશે, આજે ઘણા લાંબા સમયથી રાહ જોવાઇ રહી હતી.

આ સર્વિસમાં ચાલતી ટ્રેનનાં ઇન્ફો ટેઇનમેન્ટ લોન્ચ થશે, જેમાં મુવીઝ, સમાચાર, મ્યુઝીક વિડીયો-સામાન્ય મનોરંજન રહેશે.

દરમિયાન રેલટેલના સી. એમ. ડી. પુનીત ચાવલાએ ઉમેર્યુ હતું કે, કોચની અંદર મીડયા સર્વર રખાશે, આ સર્વીસ ૮૭૩૧ ટ્રેનોમાં શરૂ કરાશે, જેમાં પ૭૦૦ જેટલી ટ્રેનો પરાની હશે, આમાં રેલ્વે અને રેલટેલનો રેવન્યુ શેર પ૦-પ૦ ટકાનો છે., અને આમાંથી વર્ષે ૬૦ કરોડની આવક આ સુવિધાને કારણે રેલ્વેને થશે. રેલટેક્ષ આ માટે ઝી ની પેટા કંપની માર્ગો નેટવર્કને રેલટેલે કોન્ટ્રાકટ આપી દિધો છે, આમાં કન્ટેઇન્ટ પેઇડ અને અનપેઇડ એમ બે ફોર્મટમા રહેશે, જેનો કોન્ટ્રાકટનો ગાળો ૧૦ વર્ષનો રહેશે.

(11:38 am IST)
  • ડાકોરનો ફાગણ મેળો રદ:ડાકોર મંદિરનો ફાગણ મેળો રદ કરવામાં આવ્યો છે. ડાકોર મંદિર ૨૭ થી ૨૯ માર્ચ સુધી બંધ રહેશે. access_time 7:52 pm IST

  • ટીમ ઈન્ડિયા ૩૬૫ રનમાં ઓલઆઉટઃ સુંદર (૯૬ રન નોટઆઉટ) સદી ચૂકયો : ૧૫૮ રનની મહત્વની લીડ : અમદાવાદ ટેસ્ટના ત્રીજા દિવસે ભારત ૧૧૪.૪ ઓવરમાં ૩૬૫ રન બનાવી ઓલઆઉટ થયુ છે : સુંદર અને અક્ષર પટેલે શાનદાર બેટીંગનું પ્રદર્શન કરી ભારતને વિનીંગ પોઝીશનમાં લાવી દીધુ છે : કમનસીબે અક્ષર પટેલ ૪૩ રને આઉટ થયા બાદ ઈશાંત અને સિરાજ પણ આઉટ થઈ ગયા હતા : સુંદર સદી ચૂકી જતા નિરાશ થયો હતો તે ૯૬ રને નોટઆઉટ રહ્યો હતો : ઈંગ્લેન્ડના બોલરો સ્ટોકસ ૪, ઍન્ડરસન ૩, લીચને ૨ વિકેટ મળી છે : ભારતને ૧૫૮ રનની મહત્વની લીડ મળી છે access_time 11:35 am IST

  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST