Gujarati News

Gujarati News

News of Saturday, 4th July 2020

બિહાર સરકારને રાહત : મુખ્યમંત્રી નિતિશ કુમારનો કોરોના રિપોર્ટ નેગેટીવ

સ્પીકરને કોરોના રિપોર્ટ પોઝિટિવ આવતા નીતીશકુમારે [પહેલ કરીને જાતે જ તેમનો ટેસ્ટ કરાવ્યો હતો

પટના : બિહારના મુખ્યમંત્રી નીતીશ કુમારનો કોરોના રિપોર્ટ નેગેટીવ આવતા  બિહાર સરકારે રાહતનો શ્વાસ લીધો છે. આ પહેલા બિહાર વિધાનસભાના અધ્યક્ષ અવધેશ નારાયણ સિંહ અને તેના પરિવારનો કોરોના રિપોર્ટ પોઝિટિવ આવ્યો હતો. બે દિવસ પહેલા સીએમ નીતીશ કુમાર એક કાર્યક્રમમાં સિંહ સાથે મંચ પર જ હતા. સિંહને કોરોના પો ઝિટિવ મળ્યા બાદ નીતિશ કુમારે પોતે જ પહેલ કરી અને  તમનો કોરોના ટેસ્ટ કરાવ્યો. આ સાથે ડેપ્યુટી સીએમ સુશીલ કુમાર મોદી સહિત અનેક મંત્રીઓ અને અધિકારીઓના પણ સેમ્પલ પણ લેવામાં આવ્યા હતા.

સીએમ નીતીશ કુમારનો કોરોના ટેસ્ટ રિપોર્ટ 4 કલાકમાં આવી ગયો. આ સમય દરમિયાન બે વખત રિપોર્ટને ક્રોસચેક કરવામાં આવ્યો હતો અને ખુદ આરોગ્ય વિભાગે પણ તેની પુષ્ટિ કરી છે. એવું કહેવામાં આવી રહ્યું છે કે અન્ય લોકોમાંથી 19 લોકોનો કોરોના રિપોર્ટ નેગેટિવ આવ્યો છે અને અન્ય લોકોનો રિપોર્ટ આવવાનો બાકી છે.

(12:22 am IST)
  • મહીસાગરના બાલાસિનોરની કોવિડ 19 હોસ્પિટલમાંથી એક દર્દી ફરાર :સંતરામપુરના ફળવા ગામનો દર્દી હોસ્પિટલમાંથી ભાગી ગયો :તંત્રમાં દોડધામ : હોસ્પિટલના બંદોબસ્ત પર સવાલ ઉઠ્યા : હોસ્પિટલમાં સિક્યોરિટી હોવા છતાં દર્દી કઈ રીતે ભાગી ગયો ? access_time 1:00 am IST

  • વિજળીએ ૨૫નો ભોગ લીધો: બિહારમાં આજે પણ વિજળીએ વધુ 25 લોકોના જીવ લીધા. છેલ્લા ત્રણ દિવસમાં 67 લોકો માર્યા ગયા. access_time 11:30 pm IST

  • જામનગર જિલ્લામાં કોરોનાના વધુ બે કેસ પોઝીટીવ : કાલાવડના નવાગામના 37 વર્ષીય યુવાન અને ધ્રોલના 32 વર્ષના યુવકને કોરોના વળગ્યો access_time 11:43 pm IST