Gujarati News

રાજકોટ, તા.પઃ લોકસભાની ચૂંટણીમાં ભાજપને ૩૦૩ બેઠકો સાથે સ્પષ્ટ બહુમતી મળતા હવે પછીના રાષ્ટ્રપતી અને ઉપરાષ્ટ્રપતિ પણ ભાજપની પસંદગીના જ આવે તેવા ઉજજવળ સંજોગો છે. હવે પછીની લોકસભાની ચૂંટણી (૨૦૨૪) પહેલા આ ટોચના બંને પદ માટેની ચૂંટણી આવી જશે.

રાષ્ટ્રપતિ શ્રી રામનાથ કોવિંદની મુદત ૨૪ જુલાઇ ૨૦૨૨ અને ઉપરાષ્ટ્રપતિ વૈકયા નાયડુની મુદત ૧૦ ઓગષ્ટ ૨૦૨૨માં પૂરી થશે. તે જ વર્ષના ડીસેમ્બરમાં ગુજરાત વિધાનસભાની ચૂંટણી આવવા પાત્ર છે.

૨૦૧૪માં ભાજપને ૩૮૨ બેઠકો મળતા ૨૦૧૭માં રાષ્ટ્રપતિ-ઉપરાષ્ટ્રપતિ બંને ભાજપના જ ચૂંટાયા હતા. ૨૦૧૯માં ભાજપ અને એન.ડી.એ.ની સ્થિતિ ૨૦૧૭ કરતા વધુ મજબૂત બની છે. તેથી હવે પછીના રાષ્ટ્રપતિ અને ઉપરાષ્ટ્રપતિ પણ ભાજપની પસંદગીના જ આવશે તે સ્પષ્ટ છે.