Gujarati News

નવી દિલ્હી : દક્ષિણ-પશ્ચિમનું ચોમાસું કેરળથી નજીક પહોંચ્યું છે ખાનગી સંસ્થા સ્કાયમેટનાં જણાવ્યા મુજબ પૂર્વોત્તર રાજ્યમાં સારો વરસાદ પડી રહ્યો છે જેમાં આસામ, અરુણાચલ પ્રદેશ, મેઘાલયા, નાગાલેન્ડ, મણીપુર, મિઝોરમ અને ત્રિપુરામાં છેલ્લા થોડા દિવસોથી સારો વરસાદ પડે છે.મેઘાલયામાં ભારે વરસાદ નોંધાયો છે. છેલ્લા 24 કલાકમાં ચેરાપુંજીમાં 162 એમએમ વરસાદ પડ્યો છે. ત્રિપુરાનાં કૈલાસહરમાં ત્રણ ઇંચ વરસાદ પડ્યો છે

આ સિવાય, ગંગટોક, લુંબડીંગ, અઝવાલ, સિલોગં, બારાપાની વગેરેમાં પણ વરસાદ નોંધાયો છે.

હાલની સ્થિતિએ આસામનાં પૂર્વ વિસ્તારમાં વરસાદી સિસ્ટમ સક્રિય છે. આ સિસ્ટમ મેઘાલયા તરફ જઇ રહી છે અને આસામ અને અરુણાચલ પ્રદેશમાં વરસાદ લાવશે.

આગામી દિવસોમાં ત્રિપુરા, મેઘાલાય અને મિઝોરમમાં વરસાદની માત્રા વધશે. આ સિવાય, આસામ, અરુણાચલ પ્રદેશ, નાગાલેન્ડ અને મણીપુરમાં પણ હળવાથી ભારે વરસાદ પડશે.