Gujarati News

Gujarati News

News of Tuesday, 5th June 2018

રશિયાથી મોકલાયેલી કુદરતી ગેસની પહેલી ખેપ ભારત પહોંચી : દહેજ પોર્ટ પર મંત્રી ધર્મેન્દ્ર પ્રધાને કર્યું રિસીવ

રશિયાથી મોકલાયેલા કુદરતી ગેસની પહેલી ખેપ ભારત  પહોંચી છે પેટ્રોલિયમ પ્રધાન ધર્મેન્દ્ર પ્રધાને રશિયન જહાજ ખાતે પહોંચી ગુજરાતના દહેજ પોર્ટ પર તેને રિસીવ કર્યું છે.

  ધર્મેન્દ્ર પ્રધાને કહ્યુ છે કે ઊર્જા લક્ષ્યને પ્રાપ્ત કરવાની દ્રષ્ટિએ આ ભારત માટે સ્વર્ણિમ દિવસ છે. કેન્દ્રીય પેટ્રોલિયમ પ્રધાન ધર્મેન્દ્ર પ્રધાને કહ્યુ છે કે મોદી સરકાર દેશને ગેસ આધારીત અર્થવ્યવસ્થા તરફ લઈ જવાની દિશામાં આગલ વધી રહી છે.

  તેમણે કહ્યુ છે કે ભારત સરકારે સૌથી પહેલા કતરથી આવનારા એલએનજીના ભાવને લઈને નવેસરથી વાતચીત કરી છે. બાદમાં ઓસ્ટ્રેલિયાની આપૂર્તિ પર કામ કર્યું અને હવે રશિયાની નવી શરતો હેઠળ એલએનજીની આપૂર્તિ શરૂ થઈ છે.

  પેટ્રોલિયમ પ્રધાને ક્હ્યુ છેકે ભારત વીસ વર્ષમાં રશિયાથી લગભગ પચ્ચીસ અબજ ડોલરના એલએનજીની આયાત કરે છે. તેમણે કહ્યુ છે કે ગેજપ્રોમના એલએનજીના ભાવ ઘણાં પ્રતિસ્પર્ધાત્મક દર પર ઉપલબ્ધ છે. ચાર વર્ષ પહેલા ભારત માત્ર કતરથી જ એલએનજીની આયાત કરી રહ્યું હતું. પરંતુ આજે ભારત ઓસ્ટ્રેલિયા, અમેરિકા અને રશિયાથી એલએનજી પ્રાપ્ત કરી રહ્યું છે.

(1:17 pm IST)
  • સુનંદા પુષ્કર હત્યાકાંતઃ શશી થરૂર પર ચાલશે કેસઃ ૭ જૂલાઇએ આરોપી તરીકે કોર્ટમાં હાજર રહેશે access_time 3:22 pm IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • પેટ્રોલ ડીઝલમાં સતત આઠમા દિવસે ભાવ ઘટશે:બુધવારે પેટ્રોલમાં લિટરે 9 પૈસા અને ડીઝલમાં 6 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,99 રૂપિયા અને ડીઝલનો ભાવ લિટરે 73,94 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 12:09 am IST