News of Tuesday, 5th June 2018

શિલોન્ગમાં સતત પાંચમા દિવસે અજંપો : રાષ્ટ્રીય લઘુમતી પંચ સ્થિતિનો તાગ મેળવશે

મેઘાલયના પાટનગર શિલોંગમાં સતત પાંચમા દિવસે પણ તણાવ યથાવત રહ્યો છે. શિલોંગમાં સોમવારે મુખ્યપ્રધાન કોનરાડ સંગમા કલાકો સુધી સચિવાલયમાં ઘેરાયેલા રહ્યા હતા.આગમચેતીના પગલા હેઠળ શિલોંગમાં અર્ધલશ્કરી દળોની પંદરથી વધુ ટુકડીઓની તેનાતી કરી દેવામાં આવી છે.

  રાષ્ટ્રીય લઘુમતી પંચ આજે શિલોંગની મુલાકાતે છે. રાષ્ટ્રીય લઘુમતી પંચ મેઘાલયની સ્થિતિનો તાગ મેળવશે. સોમવારે સેનાએ શિલોંગમાં હિંસા ભડક્યા બાદ ફ્લેગ માર્ચ કર્યો હતો.

સીઆરપીએફની છાવણી પર દેખાવકારોના હુમલા બાદ કર્ફ્યૂ લગાવી દેવામાં આવ્યો છે. શિલોંગમાં શાંતિ બહાલી માટે અર્ધલશ્કરી દળોની વધુ દશ કંપનીઓને પણ મોકલવામાં આવી છે રવિવારે રાત્રે આઠ કલાકની કર્ફ્યૂની ઢીલ અપાઈ ત્યારે ફરીથી ઘર્ષણ સર્જાયું હતું

(12:57 pm IST)
  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST

  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST