Gujarati News

Gujarati News

News of Friday, 5th March 2021

એક્ટ્રેસ તાપસી પન્નુ અને પ્રોડ્યુસર અનુરાગ કશ્યપ સહીત બૉલીવુડ દિગ્જ્જને ત્યાં બીજા દિવસે આઈટીની તપાસ ચાલુ

ઓફિસમાંથી 3 લેપટોપ અને 4 કોમ્પ્યૂટર કબજે કર્યા:KRI એન્ટરટેનમેન્ટ અને ફેન્ટમ ફિલ્મ્સ વચ્ચે નાણાંકીય લેવડ-દેવડના પુરાવા મળ્યા

મુંબઈ : એક્ટ્રેસ તાપસી પન્નુ અને પ્રોડ્યુસર અનુરાગ કશ્યપ, વિકાસ બહલ, વિક્રમાદિત્ય મોટવાને, મધુ મંટેનાના સ્થળો પર આવકવેરા વિભાગની કાર્યવાહી સતત બીજા દિવસ ચાલી રહી છે આ તમામ પર ટેક્સ ચોરીની શંકા છે. તાપસી અને અનુરાગના ઘરની સાથે ઓફિસના સ્થળે પણ દરોડા પાડવામાં આવ્યા. આઈટી વિભાગના ઓફિસરોએ ઓફિસમાંથી 3 લેપટોપ અને 4 કોમ્પ્યૂટર કબજે કર્યા છે. હાલ તાપસીનું કામ જોતી કંપની KRI એન્ટરટેનમેન્ટની ઓફિસમાં પણ દરોડા પાડવામાં આવ્યા છે.

સૂત્રોએ જણાવ્યું કે, KRI એન્ટરટેનમેન્ટ અને ફેન્ટમ ફિલ્મ્સ વચ્ચે નાણાંકીય લેવડ-દેવડના પુરાવા મળ્યા છે. આ મામલે ફેન્ટમ ફિલ્મ્સ, રિલાયન્સ એન્ટરટેનમેન્ટ, Kwan ટેલેન્ટ હંટ કંપની અને એક્સિડ કંપનીના સ્થળોએ દરોડા પાડવામાં આવ્યા છે. આજે IT ઓફિસરોએ અનુરાગ કશ્યપ (Anurag Kashyap), તાપસી પન્નૂ (Taapsee Pannu) નું નિવેદન નોંધ્યું છે. આ ઉપરાંત ઇનકમ ટેક્સ (Income Tax) વિભાગે કેટલાક લોકર્સ પર પાબંધી લગાવી દીધી છે.

(9:14 am IST)
  • ગુરુવારે સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ)ના CEO પુનાવાલાએ વિશ્વ બેન્કની પેનલમાં ચર્ચા દરમ્યાન જણાવ્યું હતું કે કાચા માલના નિકાસ પર અસ્થાયી અમેરિકી પ્રતિબંધ થી સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) જેવી કંપનીઓ દ્વારા કોરોનાવાયરસ રસીના ઉત્પાદનને મર્યાદિત કરી શકે છે જે ગંભીર બાબત છે. access_time 11:58 pm IST

  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • આવતીકાલે પણ સંતો - મહંતોની મીટીંગ : આ વખતે જૂનાગઢમાં મહાશિવરાત્રીનો મેળો બંધ રાખવાના મામલે સાધુ સંતોમાં વિરોધ વંટોળ ઉઠ્યો છે ત્યારે આ મામલે આવતીકાલે સવારે ૧૦ વાગ્યે ફરી સાધુ સંતોની મીટીંગ મળનાર છે. જેમાં વેપારી એસોસીએશન, પાથરણાવાળા વિ. આ મીટીંગમાં જોડાશે અને શિવરાત્રીનો મેળો બંધ રાખવા મામલે વિરોધ વ્યકત કરશે. access_time 2:33 pm IST