Gujarati News

મુંબઈ :કોર્ડેલિયા ક્રુઝમાં સવાર લગભગ 66 મુસાફરો કોરોના પોઝિટિવ હોવાનું બહાર આવતાં મહારાષ્ટ્ર સરકારની ઊંઘ ઉડી ગઈ છે. બીજી તરફ, BMC મેડિકલ ઓફિસર પ્રાજક્તા અંબ્રેકરના જણાવ્યા અનુસાર, ક્રુઝમાં સવાર લોકોનો RT-PCR ટેસ્ટ કરવામાં આવશે. બુધવારે સવારે 7 વાગ્યા સુધીમાં તેમનો રિપોર્ટ આવી જશે. અમે પોઝિટિવ આવેલા લોકોના સેમ્પલ કસ્તુરબા મોકલીશું અને તેમને સંસ્થાકીય ક્વોરેન્ટાઇન માટે કહેવામાં આવ્યું છે.

ડ્રગ પાર્ટીથી બોલિવૂડ બાદશાહ શાહરૂખ ખાનના પુત્ર આર્યન ખાનના કારણે ચર્ચામાં આવેલી કોર્ડેલિયા ક્રૂઝમાં કોરોના બ્લાસ્ટ થયો છે. આ વખતે કોર્ડેલિયા ક્રૂઝ નવા વર્ષની પાર્ટી માટે 2,000 લોકો સાથે મુંબઈથી ગોવા જઈ રહી હતી, પરંતુ આ ક્રૂઝમાં સવાર લગભગ 66 મુસાફરો કોરોના પોઝિટિવ હોવાનું જાણવા મળ્યું હતું

BMC મેડિકલ ઓફિસર પ્રાજક્ત આંબ્રેકરે કહ્યું કે, કોર્ડેલિયા ક્રૂઝ 1 જાન્યુઆરીએ મુંબઈથી ગોવા માટે રવાના થઈ હતી અને 2 જાન્યુઆરીએ ક્રૂઝ પર સવાર એક ગ્રુપનો ટેસ્ટ પોઝિટિવ આવ્યો હતો, ત્યારબાદ ક્રૂઝમાં સવાર લગભગ 2000 લોકોનું પરીક્ષણ કરવામાં આવ્યું હતું. જેમાં 66 લોકો પોઝિટિવ આવ્યા હતા. તેમાંથી 6 લોકો ગોવામાં ઉતર્યા છે, બાકીના ક્રુઝમાં છે.

પોઝિટિવ ક્રૂ મેમ્બરને જહાજની અંદર જ અલગ કરવામાં આવ્યા છે. અધિકારીઓએ કડક સૂચના આપી છે કે આરટી-પીસીઆર ટેસ્ટ રિપોર્ટ આવે તે પહેલા કોઈએ જહાજમાંથી ઉતરવું નહીં. મહારાષ્ટ્રમાં કોરોના મહામારી દરમિયાન લાદવામાં આવેલ ડિઝાસ્ટર મેનેજમેન્ટ એક્ટ અમલમાં છે. આ હેઠળ, માસ્ક વિના જાહેર સ્થળોએ જવું અને બે ગજના નિયમનું પાલન કરવું ફરજિયાત છે.

બોમ્બે હાઈકોર્ટે મહારાષ્ટ્રમાં કોરોના સંક્રમણના વધતા કેસો અને ઓમીક્રોનને કારણે વકિલો અને અરજદારોની ભીડને ઓછી કરવા માટે મંગળવારથી સુનાવણી માટે હાઇબ્રિડ પદ્ધતિ (વર્ચ્યુઅલ અને ફિઝિકલ) અપનાવવાનો નિર્ણય લેવામાં આવ્યો છે. આ માટે એક SOP પણ જાહેર કરવામાં આવી છે.