Gujarati News

Gujarati News

News of Friday, 4th December 2020

સેંસેક્સ ૪૪૬ પોઈન્ટ ઊછળી પ્રથમ વખત ૪૫ હજારને પાર

સપ્તાહના છેલ્લા દિવસે બજારમાં જોરદાર તેજી : નિફ્ટી ૧૨૫ પોઈન્ટના ઊછાળાની સાથે ૧૩૨૫૮ પર બંધ, આઈઆરસીટીસીના શેરમાં ૧૪.૫૧ ટકા ઊછાળો

નવી દિલ્હી, તા. : સપ્તાહના અંતિમ દિવસે શેરબજારમાં જોરદાર તેજી જોવા મળી હતી. સેન્સેક્સ ૪૪૬ પોઈન્ટ ઊછળીને ૪૫૦૭૯ પર બંધ રહ્યો હતો. આજે કારોબાર દરમિયાન સેન્સેક્સ ૪૫૧૪૮ ની સપાટીએ પહોંચ્યો હતો, જે અત્યાર સુધીની સૌથી ઉંચી સપાટી છે. નિફ્ટી ૧૨૫ અંક વધીને ૧૩૨૫૮ ના સ્તરે બંધ રહ્યો હતો. સેન્સેક્સમાં આઈસીઆઈસીઆઈ બેક્ન, અલ્ટ્રાટેક સિમેન્ટ, સન ફાર્મા, ભારતી એરટેલ અને હિન્દુસ્તાન યુનિલિવરના શેર ટોચ લાભ લેનારામાં છે. રિલાયન્સ, બજાજ ફાઇનાન્શિયલ સર્વિસીસ અને એચસીએલના શેર ટોચના નુકશાનમાં જનારા છે. આઈસીઆઈસીઆઈ બેક્નના શેરમાં . ટકાનો ઉછાળો નોંધાયો હતો, જ્યારે રિલાયન્સમાં નજીવો .૮૬ ટકાનો ઘટાડો થયો હતો.

આજે આઈઆરસીટીસીના શેરમાં ૧૪.૫૧ ટકાનો ઉછાળો આવ્યો છે. સ્પાઇસ જેટના શેરમાં પણ ૧૦ ટકાનો વધારો થયો છે. અદાણી પાવરમાં ૧૦ ટકાનો, બેંક ઓફ મહારાષ્ટ્રમાં . ટકા અને મેક્સ હેલ્થકેરમાં . ટકાનો ઉછાળો નોંધાયો છે.

કોરોના રસી વિશેના સકારાત્મક સમાચારો અને યુ.એસ.માં અન્ય રાહત પેકેજની અપેક્ષા સાથે બજાર ધૂમ મચાવી રહ્યું છે. હાલમાં વિશ્વના તમામ શેર બજારોમાં તેજી જોવા મળી રહી છે. શેર બજાર સપ્તાહે બંધ થઈ ગયું છે. સપ્તાહે તમામ ક્ષેત્રમાં તેજી જોવા મળી છે. નિફ્ટી અને નિફ્ટી બેંક સતત પાંચમા સપ્તાહમાં તેજી સાથે બંધ રહ્યા હતા. નિફ્ટી સ્મોલકેપ અને મિડકેપમાં પણ સતત પાંચમા સપ્તાહમાં તેજી જોવા મળી છે. માર્ચ લોથી નિફ્ટી ૫૦માં ૭૦ ટકાથી વધુની તેજી આવી છે.

(8:54 pm IST)
  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST

  • ઈટાલીમાં કોરોના ગાંડોતુર બન્યો: એકાદ હજારના મોત : ઈટાલીમાં મોડી રાત સુધીમાં કોરોના નિમિતે 993 મૃત્યુ થયા છે. આજે ઇટાલીમાં સૌથી ઘાતક દિવસ નીવડ્યો હતો. access_time 11:53 pm IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST