Gujarati News

Gujarati News

News of Thursday, 4th March 2021

' ઘરના ઘંટી ચાટે અને ઉપાધ્યાયને આંટો ' : દેશના લોકો માટે વેક્સિનની તંગી અને વિદેશોને આપવાની હોડ : સીરમ ઇન્સ્ટિટ્યૂટ ઓફ ઇન્ડિયા અને ભારત બાયોટેકને ઉત્પાદનની ક્ષમતા બતાવવા દિલ્હી હાઇકોર્ટનો આદેશ

ન્યુદિલ્હી : દિલ્હી બાર કાંઉસીલે કરેલી પિટિશનની સુનાવણી દરમિયાન દિલ્હી હાઇકોર્ટએ  સીરમ ઇન્સ્ટિટ્યૂટ ઓફ ઇન્ડિયા અને ભારત બાયોટેકને ઉત્પાદનની ક્ષમતા બતાવવા આદેશ કર્યો છે.નામદાર કોર્ટએ ટિપ્પણી કરતા જણાવ્યું છે કે દેશના લોકો માટે વેક્સિનની તંગી અને વિદેશોને વેચાતી કે દાનમાં આપવાની હોડ વ્યાજબી નથી.

નામદાર કોર્ટએ  કેન્દ્ર સરકારને પણ કોવિડ -19 ની રસી મેળવવા માટે લાભાર્થીઓના વર્ગીકરણ પાછળનું કારણ સમજાવવા જણાવ્યું હતું. હકીકતમાં, પ્રથમ તબક્કામાં, કોરોના રસી આરોગ્ય કર્મચારીઓ અને ફ્રન્ટલાઈન કામદારો માટે હતી. બીજા તબક્કામાં વરિષ્ઠ નાગરિકો અને 45 થી 59 વર્ષની વયના લોકોનો સમાવેશ થાય છે, જેઓ પહેલેથી જ ગંભીર બીમારીથી પીડાઈ રહ્યા છે.

જજ શ્રી વિપિન સંઘી તથા સુશ્રી  રેખા પલ્લીની ખંડપીઠે કહ્યું કે બંને સંસ્થાઓ 'સીરમ ઇન્સ્ટિટ્યૂટ ઓફ  ઈન્ડિયા અને ભારત બાયોટેક' વધુ રસી પૂરી પાડવા માટેની ક્ષમતા ધરાવે છે, પરંતુ તેઓ આનો સંપૂર્ણ લાભ લેતા હોય તેવું લાગતું નથી.

ઉલ્લેખનીય છે કે કોર્ટ દિલ્હી બાર કાઉન્સિલની અરજી પર સુનાવણી કરી રહી હતી, જેમાં ન્યાયિક પ્રક્રિયામાં સામેલ તમામ લોકોને ન્યાયાધીશ, કોર્ટના કર્મચારીઓ અને વકીલો સહિતનાને એડવાન્સ ફ્રન્ટ કર્મચારી તરીકે વર્ગીકૃત કરવાની માંગ કરવામાં આવી હતી.તેવું એન.ટી.દ્વારા જાણવા મળે છે.

(6:26 pm IST)
  • દેશમાં કોરોનાના કેસ ઝડપથી વધ્યા :નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 16,824 કેસ નોંધાયા :કુલ કેસની સંખ્યા 1,11,73,572 થઇ :એક્ટિવ કેસ 1,73,364 થયા વધુ 13,788 દર્દીઓ સ્વસ્થ થતા કુલ 1,08,38,021 થયા :વધુ 113 લોકોના મોત સાથે કુલ મૃત્યુઆંક 1,57,584 થયા: દેશમાં સૌથી વધુ મહારાષ્ટ્રમાં નવા 8998 નવા કેસ નોંધાયા access_time 1:13 am IST

  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • સ્વિસ બેડમિંગટન ઓપનમાં પીવી સિંધુની શાનદાર શરૂઆત : પ્રિ-ક્વાર્ટર ફાઇનલમાં પહોંચી : પીવી સિંધુએ તુર્કીની ખેલાડીને 42મિનિટની રમતમાં 21-16, 21-19થી હરાવી પ્રથમ દૌરનો મુકાબલો જીત્યો access_time 12:30 am IST